مسائل کے تدارک سمیت ایمان کا تحفظ بھی ہے:مفتی عبد الرازق

نوح،میوات،سماج نیوز سروس: جمعیتہ علماء راجستھان عاملہ کا اجلاس ضلع سیکر کے کھنڈیلہ میں مولانا راشد قاسمی شیخ الحدیث و مہتمم دارالعلوم محمدیہ میل کھیڑلا کی صدارت میں اصلاح معاشرہ کے عنوان پر مدرسہ دارالعلوم محمدیہ میں ممنعد ہواجس میں علاقہ سیخاواٹی کے اضلاع چورو، سیکر، جھنجھو و جے پور دیہات کے علماء کرام نے کثیر تعداد میں تعداد میں شرکت کی۔پروگرام2نشستوں پر مشتمل رہا بعد ظہر ریاستی صدر مولانا راشد قاسمی کی صدارت میں عاملہ کے ارکان کی مجلس منعقد ہوئی جبکہ بعد مغرب عمومی اجلاس بعنوان اصلاح معاشرہ کی نسبت سے اجلاس منعقد ہوا جس میں قرب و جوار سے فرزندان توحید نے شرکت کی۔مولانا راشد قاسمی کی دعوت پر اجلاس میں پہونچے دہلی جمعیتہ علماء کے جنرل سیکرٹری معروف عالم دین مولانا مفتی عبدالرزاق نے کلیدی و تفصیلی خطاب کیا، انہوں نے جمعیتہ علماء ہند کی ایک صدی سے زائد محیط خدمات کے روشن باب پر تفصیلی روشنی ڈالی۔انہوں نے کہا جمعیتہ علماء راجستھان آج پورے صوبے میں صدر جمعیتہ علماء راجستھان مولانا راشد قاسمی کی مثالی قیادت میں ضلع در ضلع سرگرم اور فعال کردار ادا کر رہی ہے، اور صوبے میں گھر گھر جمعیتہ علماء راجستھان کے اکابرین کا پیغام پونچے اس محنت اور مشن کے ساتھ رو بہ عمل ہیں۔مفتی موصوف نے کہا کہ ہم نے اس دور انحطاط میں قائد جمعیتہ علماء. ہند مولانا ارشد مدنی کا مثالی دور دیکھ رہے ہیں، تقسیم ملک کے پُر آشوب دور میں ملک و ملت کے لیے مولانا حسین احمد مدنی نے بڑی قربانیاں رہی ہیں ،آج انہی کا عکس قائد جمعیتہ میں بعینہ نظر آتا ہے،انہوں نے قائد محترم مولانا سید ارشد مدنی کے اس پیرانہ سالی میں بیک وقت جمعیتہ علماء ہند کے پلیٹ فارم سے ملک و ملت کے لیے ملی سماجی رفاہی و سیاسی سرگرمیوں اور ام المدارس دارالعلوم دیوبند کی مسند سے قال اللہ و قال الرسول خدمات پر تفصیلی خطاب کیا۔علاوہ ازیں،علاوہ ازیں انہوں نے کہا کہ جمعیتہ علماء کا کام ملت کے مسائل کے تدارک سمیت ایمان کا تحفظ کرنا بھی ہے،آج دشمنان اسلام ملت کے ایمان پر وار کرنے کا دن بدن پروپیگنڈہ کر رہے ہیں، ایسے دور میں علماء کی اہمیت و ذمہ داری دو چند ہوجاتی ہے۔موجودہ دور میں معاشرہ میں مسلم نوجوانوں کی بے راہ روی باعث تشویش ہے، مسلم معاشرہ میں نت نئی خرابیوں خصوصاً مسلم نوجوانوں کا منشیات میں ملوث ہونے کو لیکر تشویش کا اظہار کیا اور علماء کرام کو نوجوانوں پر توجہ اور ان کی دینی ملی رہنمائی کرنے پر زور دیا۔اس سے قبل مفتی صابر استاد دارالعلوم محمدیہ میل کھیڑلا و بعدہ مفتی عدنان منصورپوری نے بھی مجمع عام سے خطاب کیا، جبکہ پروگرام کے مہمان خصوصی مولانا اظہر مدنی نے مجمع کے نام فون پر اپنا مختصر پیغام پیش کیا جو کسی معقول عذر کی بنا پر پروگرام میں آخری وقت شرکت نہ کر سکے، پروگرام کا اختتام سخت سردی کی سرد رات میں مفتی عدنان منصورپوری کی دعا پر مولانا راشد قاسمی کی صدارت اور نظامت میں بحسن و خوبی انجام کو پہونچا، پروگرام کے اہم شرکاء میں مولانا امجد میل کھیڑلا، مولانا محمد صابر قاسمی، مولانا جمیل گھاٹمیکا مولانا قیام الدین الوری، مولانا حسن مہوں،مولانا قیصر عالم رحیمی،حبیب تجاروی،حافظ عمران اٹاوڑی،قاری فجرو الدین،حافظ صدام فتحپور، حافظ قاسم میواتی کے علاوہ بڑی تعداد موجود میں شرکت کی۔