فتح پور،(یواین آئی) اترپردیش کے ضلع فتح پور میں آج ایک انتخابی ریلی سے خطاب کرتے ہوئے سماج وادی پارٹی کے قومی صدر و سابق وزیر اعلی اکھلیش یادو نے کسانوں کی بدحالی کے لئے بی جے پی حکومت پر تلخ تبصرہ کرتے ہوئے کہا کہ کسانوں کی بدحالی کے بہہ رہے آنسو ان کو سبق سکھائیں گے ۔ ان کے میعاد کار می کسانوں کی حالت بد سے بد تر ہوئی ہے اور کسان ان سے 17 کا حساب لیں گے ۔فتح پور پارلیمانی حلقے کے مسلم انٹر کالج میں سپا کے سابق ریاستی صدر نریش اتم پٹیل کی حمایت میں ایک ریلی سے خطاب کرتے ہوئے سابق وزیر اعلی نے کہا کہ ان کی سرکاری میں کسانوں کے اوپر نیو یوریا تھوپی گئی ہے ۔ جس کا مالک بھارت چھوڑ کر فرار ہوگیا۔ مہنگائی کا حوالہ دیتے ہوئے انہوں نے کہا کہ 10 سال میں دو بار یوریا کھاد کی بوری میں چوری کی گئی ہے ۔ اور اس لا سائز چھوٹا کیا گیا جبکہ ریٹ بڑھایا۔ دس سال میں بھرتی کے پیپر لیک ہونے کی وجہ 7 لاکھ نوجوان روزگار سے دو ہوگئے ہیں۔ غریبوں کو مل رہے راش کی کوالٹی اتنی خراب ہے کہ اسے لوگ اپنے جانوروں کو کھلا رہے ہیں۔انہوں نے کہا کہ جس طرح سے پوری ریاست میں اگنی ویر کی بھرتی کر کے نوجوانوں کے ساتھ مذاق کیا گیا ہے وہیں حال اب ریاست کی پولیس کا ہونے والا ہے ۔ اگنی ویر تو چار سال کے لئے ہے لیکن اب خاکی کی نوکری تین سال کی ہوگی۔انہوں نے الزام لگایا کہ ملک ۔بیرون ملک کے بڑے بڑے کاروباریوں کی میٹنگ کر کے اربوں روپئے برآمد کیا لیکن ایک بھی صنعت کہیں نہیں لگی۔ انہوں نے کہا کہ 4 جون کے بعد انڈیا اتحاد کی حکومت سب سے پہلے اگنی ویر کے ساتھ ہورہے مذاق کو ختم کر کے گی اور فوجی کی پکی نوکری دے گی۔ انہوں نے کہا کہ آج سرحد پر جان گنوانے والے لوگوں کو شہید کا درجا نہیں دیا جارہا ہے ۔ یہ نوجوانوں کے ساتھ بھونڈا مذاق ہے ۔انہوں نے ریاست اور مرکزی حکومت پر الزام لگایا کہ ریزرویشن کو ختم کرنے کے لئے ہی لوگوں نے بھرتی کے پیپر لیک کرائے ہیں۔ بی جے پی نے او بی سی، ایس سی اور ایس ٹی لوگوں کے ساتھ بہت بڑا دھوکہ کیا ہے ۔
