بہارشریف (ایم ایم عالم) ضلع بھر کے مسلمان بھائیوں نے رمضان المبارک کے تیسرے جمعہ کی نماز ادا کی۔مساجد نمازیوں سے کھچا کھچ بھری ہوئی تھیں۔لوگ مسجد کے کونے کونے میں بیٹھے نماز میں ڈوبے نظر آئے۔کچھ کو نماز پڑھتے دیکھا گیا تو کچھ قرآن پاک کی تلاوت کرتے نظر آئے۔ بعض مقامات پر روزہ دار بھی اذکار میں مصروف نظر آئے۔ مساجد میں یہ منظر صبح سحری کے وقت شروع ہوا۔ جوں جوں دن چڑھتا گیا،مساجد میں لوگوں کی تعداد میں اضافہ ہوتا چلا گیا۔ ضلع بھر کی مساجد میں رمضان المبارک کے تیسرے جمعہ کی نماز کے بعد ہزاروں ہاتھ دعاؤں میں بلند ہوئے۔تیسرے جمعہ کو مساجد کے اندر اور اردگرد عقیدت مندوں کا ایک بہت بڑا ہجوم جمع ہوگیا۔مسلم کمیونٹی نے تیسرے جمعہ کی نماز مسجد میں انتہائی عقیدت و احترام کے ساتھ ادا کی۔روزہ داروں کی بڑی تعداد نے مساجد پہنچ کر اللہ سے رحمت،برکت اور مغفرت کی دعائیں کی۔ضلع کی بیشتر مساجد میں صبح سے ہی روزہ داروں کی بھیڑ جمع ہونا شروع ہوگئی۔نماز جمعہ سے قبل امام صاحب نے رمضان المبارک کی فضیلت،لیلۃ القدر اور زکوٰۃ فطرہ کی اہمیت پر تقریر کی۔ علمائے دین نے کہا کہ رمضان صرف بھوکے پیاسے رہنے کا نہیں بلکہ یہ اپنی اصلاح اور ضرورت مندوں کی مدد کرنے کا بھی مہینہ ہے۔ضلع کی تمام مساجد بشمول ہلسا،خدا گنج، راجگیر، گیریک، سیلاؤ،حیدر گنج کڑاہ، استھانواں، دیسنہ،اسلام پور،چنڈی،پلٹ پورہ، مافی، جانا، ہرگانواںگیلانی،بیلچھی شریف اور شہر کی بڑی درگاہ، پل پر شاہی جامع مسجد،شاہی مسجد مرارپور بھراؤ پر،بڑی درگاہ،پکی تالاب، کہنہ سرائے،خانقاہ،گڑھ پر،کاغذی محلہ،سوہ سرائے،عمادپور،چھجو محلہ،سخانہ،گگن دیوان، سمیت تمام مساجد میں نماز جمعہ ادا کی گئی۔صبح سے ہی لوگ بڑی تعداد میں مساجد میں جمع ہونا شروع ہو گئے۔ روزہ دار مسلسل عبادت میں مصروف نظر آئے اور زیادہ تر وقت تلاوت قرآن پاک،نفل نماز اور تسبیح اور ذکر و اذکار میں گزار رہے تھے۔نماز کے بعد روزہ داروں نے دعائیں کی۔اس درمیان مساجد اور گھروں میں قران پاک کی تلاوت سے گونج رہا تھا۔
