سید پرویز قیصر
دسویں ٹونٹی تونٹی عالمی کپ کی شروعات ہفتہ (7 فروری) سے ہوگی اور ٹورنامنٹ کے پہلے دن تین میچ کھیلے جائیں گے۔ پاکستان کا پہلا میچ کولمبو کے سنہالیز اسپوڑٹس کلب میدان میں نیدر لینڈس کے خلاف ہوگا جبکہ مشترکہ میزبان ہندوستان امریکہ کے خلاف ممبئی کے وانکھڑے اسٹیڈیم میں کھیلے گی۔ دوسرا ویسٹ انڈیز اور اسکاٹ لینڈ کے درمیان کولکاتہ ایڈن گارڈنس میں کھیلا جائے گا۔ اسکاٹ لینڈ کو بنگلہ دیش کی جگہ اس عالمی کپ میں کھیلنے کا موقع ملا ہے جس نے ہندوستان میں اپنے میچ کھیلنے سے انکار کردیا تھا۔
پاکستان اور نیدرلینڈس کے درمیان ٹونٹی ٹونٹی بین الاقوامی کرکٹ میں جو دو میچ کھیلے گئے ہیں وہ د ونوں ٹونٹی تونٹی عالمی کپ میں ہی کھیلے گئے ہیں۔9 جون2009 کو لارڈز میں ہوئے عالمی کپ کے میچ میں پاکستان نے نیدرلینڈس کو82 رن سے شکست دی تھی۔ پہلے بلے بازی کرتے ہوئے پاکستان نے مقررہ20 اوور میں پانچ وکٹ پر 175 رن بناے تھے جس کے جواب میں نیدر لیندس کے سبھی کھلاڑی 17.3 اوور میں93 رن بناکر آوٹ ہوگئے تھے۔ دونوں ٹیموں کا دوسرا مقابلہ پرتھ میں30 اکتوبر2022 کو جب دونو ں کا مقابلہ دوسری مرتبہ ہوا تھا تو پاکستان نے چھ وکٹ سے کامیابی اپنے نام کی تھی۔ اس میچ میں نیدرلینڈس نے پہلے بلے بازی کرتے ہوئے مقررہ 20 اوور میں نو وکٹ پر 91 رن بنائے تھے۔ پاکستان نے13.5 اوور میں چار وکٹ پر 95 رن بناکر میچ چھ وکٹ سے جیتا تھا۔
ویسٹ انڈیز اور اسکاٹ لینڈ کے درمیان ابھی تک جو ایک ٹونٹی ٹونٹی بین الاقوامی میچ ہوا ہے وہ ٹونٹی تونٹی عالمی کپ میں ہی ہوا تھا۔ ہوبرٹ میں17 اکتوبر2022 کو ہوئے اس میچ میں اسکاٹ لینڈ نے پہلے بلے بازی کرتے ہوئے مقررہ20 اوور میں پانچ وکٹ پر 160 رن بنائے تھے۔ ویسٹ نڈیز کے سبھی کھلاڑی 18.3 اوور میں118 رن بناکر آوٹ ہوئے تھے جس کی وجہ سے اسے42 رن سے شکست ہوئی تھی۔ ٹونٹی ٹونٹی عالمی کپ میں ایسا کافی کم ہوا ہے جب ٹسٹ کا ورجہ رکھنے والی ٹیم کو ایسوسی ایٹ ٹیم نے شکست دی ہے۔
ہندوستان اور امریکہ کے درمیان ابھی تک جو ایک ٹونٹی تونٹی بین الاقوامی میچ کھیلا گیا ہے وہ ٹونٹی تونٹی عالمی کپ میں کھیلا گیا تھا۔ نیویارک میں12 جون2024 کو ہوئے اس میچ میں امریکہ نے پہلے بلے بازی کرتے ہوئے مقررہ20 اوور میں آٹھ وکٹ پر 110 رن بنائے تھے۔ ہندوستان نے18.2 اوور میں تین وکٹ پر 111 رن بناکر میچ دس بالیں رہتے سات وکٹ سے جیتا تھا۔
دسواں ٹونٹی ٹونٹی عالمی کپ میں جو 8 مارچ 2026 تک جاری رہے گا، 20 ٹیمیں شرکت کرارہی ہیں۔ ان20 ٹیموں کو چار گروپوں میں رکھا گیا ہے۔ گروپ اے میں ہندوستان، پاکستان، نیدر لینڈس، امریکہ اور نامیبیا کو رکھا گیا ہے جبکہ گروپ بی آسڑیلیا، آئیر لینڈ، عمان، سری لنکا اور زمبابوے پر مشتمل ہے۔ انگلینڈ، ویسٹ انڈیز ، اٹلی،اسکاٹ لینڈ اور نیپال کو جگہ ملی ہے۔ گروپ ڈی میں نیوزی لینڈ، افغانستان، کنیڈا، جنوبی افریقہ اور متحدہ عرب امارات ہیں۔ گروپ میں پہلی دو پوزیشن حاصل کرنے کے بعد ٹیمیں سپر آٹھ میں کھیلنے کی حقدار بنیں گی۔ سپر آٹھ میں ٹیموں کو دو گروپ میں تقسے کیا جائے گا اور پہلی دو پوریشن حاصل کرنے والی ٹیمیں سیمی فائنل میں کھیلنے کی حقدار بنیں گی۔ سیمی فائنل کی فاتح 8 مارچ 2026 کو نریندرا مودی اسٹیڈیم ، احمد آؓباد میں کھیلیں گی۔ اگر پاکستان کی ٹیم فائنل میں داخل ہویی ہے تو فائنل میچ کولمبو کے آر پریم داسا اسٹیڈیم میں کھیلا جائے گا۔ اس عالمی کپ میں کل55 میچ سری لنکا کے تین اور ہندوستان کے پانچ اسٹیڈیموں میں ہونگے۔
