نیویارک (یو این آئی) سابق امریکی صدر ڈونلڈ ٹرمپ کیخلاف ہش منی ٹرائل اختتام پذیر ہوگیا، جس کا فیصلہ جلد متوقع ہے۔غیر ملکی ذرائع ابلاغ کے مطابق امریکی میڈیا کا کہنا ہے کہ جیوری ثبوتوں اور گواہیوں کاجائزہ لینے کیلئے کل دوبارہ جمع ہوگی، فیصلے کیلئے جیوری کے تمام ارکان کااتفاق ہونا ضروری ہے۔سابق امریکی صدر ڈونلڈ ٹرمپ نے مقدمے کو الیکشن مہم سے روکنے کی بائیڈن انتظامیہ کی سازش قرار دیدیا، انہوں نے کہا کہ مقدمات کے باعث انتخابی مہم متاثر ہو رہی ہے۔واضح رہے کہ سابق امریکی صدر ڈونلڈ ٹرمپ کیخلاف الیکشن فراڈ، خفیہ دستاویزات چھپانے سمیت متعدد مقدمات درج ہیں۔دوسری جانب امریکہ میں صدارتی الیکشن کے لئے سابق امریکی صدر ڈونلڈ ٹرمپ نے ارلی ووٹنگ کی مخالفت کردی، جس سے ریپبلکن پارٹی کی پریشانی میں اضافہ ہوگیا۔سابق امریکی صدر ڈونلڈ ٹرمپ نے ریپبلکن رہنماؤں کے اصرار کے باوجود قبل ازوقت ووٹنگ پر کڑی تنقید کی۔سابق امریکی صدر ڈونلڈ ٹرمپ کا جلسے خطاب میں کہنا تھا کہ ووٹنگ صرف الیکشن کے دن تک محدود ہونی چاہئے، ارلی ووٹنگ دھاندلی اور ڈاک کے ذریعے ووٹ فراڈ ہے۔امریکی میڈیا کے مطابق مڈٹرم انتخابات میں آدھے ووٹ الیکشن ڈے سے پہلے کاسٹ ہوئے تھے، کورونا میں سب سے زیادہ ووٹ ارلی ووٹنگ میں کاسٹ کیے گئے تھے۔
