سید پرویز قیصر
ایک روزہ بین الاقوامی کرکٹ میں تین میچوں کی سریز2-1 سے جیتنے کے بعد نیوزی لینڈ کی ٹیم کی نگاہیں اب پانچ میچوں ٹونٹی ٹونٹی بین الاقوامی سریز پر ہیں جسکا پہلا میچ بدھ (21 جنوری) کووردبھ کرکٹ ایسوسی ایشن اسٹیڈیم ،جمتھا، ناگپور میں کھیلا جائے گا۔نیوزی لینڈ اور ہندوستان کے درمیان ہندوستان میں ہونے والا یہ بارہواں ٹونٹی ٹونٹی بین الاقوامی میچ اور کل ملاکر26 واں ٹونٹی ٹونٹی بین الاقوامی میچ ہوگا۔
نیوزی لینڈ نے ہندوستان کے خلاف25 میں سے دس ٹونٹی ٹونٹی میچ جیتے ہیں جبکہ ہندوستان نے بارہ میچوں میں کا میابی حاصل کی ہے۔تین میچ ٹائی رہے ہیں جن میں ہندوستان نے دو میں سپر اوور میں جیت اپنے نام کی ہے۔ہندوستان اور نیوزی لینڈ کے درمیان ہندوستان میں جو گیارہ ٹونٹی ٹونٹی بین الاقوامی میچ کھیلے گئے ہیں ان میں ہندوستان نے سات میں اور نیوزی لینڈ نے چار میں کامیابی حاصل کی ہے۔دونوں کے مابین جو آخری پانچ ٹونٹی ٹونٹی بین الاقوامی میچ ہوئے ہیں اس میں ہندوستان نے تین میں کامیابی حاصل کی ہے نیوزی لینڈنے ایک میچ جیتا ہے جبکہ ایک میچ ٹائی رہا ہے۔
ناگپور میںدونوں کے درمیان جو واحدٹونٹی ٹونٹی بین الاقوامی میچ کھیلا گیا ہے اس میں مہمان ٹیم نے جیت اپنے نام کی تھی۔15 مارچ 2016 کو ہوئے اس میچ میں نیوزی لینڈنے پہلے بلے بازی کرتے ہوئے مقررہ20 اوورمیںسات وکٹ پر126رن بنانے کے بعدہندوستان کو18.1اوور میں79 رن پر آوٹ کرکے میچ47 رن سے جیتا تھا۔نیوزی لینڈکے خلاف ہندوستان کا سب سے زیادہ اسکور20 اوور میںچار وکٹ پر234 رن ہے جو اس نے یکم فروری 2023کو احمدآباد میں بنایا تھا۔ویلنگٹن میں6 فروری2019 کو کھیلے گئے میچ میں نیوزی لینڈ نے 20 اوور میں چھ وکٹ پر219 رن بنائے تھے جو اس کا ہندوستان کے خلاف سب سے زیادہ اسکور ہے۔ناگپور میں15 مارچ 2016 کو کھیلے گئے میچ میں ہندوستان کے سبھی کھلاڑی18.1 اوور میں79 رن بناکر آوٹ ہوئے تھے جو اس کا نیوزی لینڈ کے خلاف سب سے کم اسکور ہے۔ نیوزی لینڈ کا ہندوستان کے خلاف سب سے کم اسکورنے12.1 اوور میں 66 رن ہے جو اس نے یکم فروری 2023کو احمدآباد میں بنایا تھا۔راجکوٹ میں4 نومبر2017کو کھیلے گئے میچ میں کولین منروے58 بالوں پر سات چوکوں اوراتنے ہی چھکوں کی مدد سے آوٹ ہوئے بغیر 109 رن بنائے تھے جو نیوزی لینڈ کی جانب سے ہندوستان کے خلاف سب سے بڑا انفرادی اسکور ہے۔ہندوستان کے لئے نیوزی لینڈ کے خلاف سب سے بڑا انفرادی اسکور کرنے کا ریکارڈ شبھمن گل کے پاس ہے جنہوں نے یکم فروری 2023کو احمدآباد میں ہوئے میچ میں 99منٹ میں63 بالوں پر12 چوکوں اور سات چھکوں کی مدد سے آوٹ ہوئے بغیر 126 رن بنائے تھے۔نیوزی لینڈ کی جانب سے ہندوستان کے خلاف سب سے اچھی بالنگ کارکردگی کا ریکارڈ مچل سینٹنرکے پاس ہے جنہوں نے ناگپور میں 15 مارچ 2016 کو کھیلے گئے میچ میں 11 رن دیکر چار کھلاڑیوں کو آوٹ کیا تھا۔ ہندوستان کیلئے نیوزی لینڈ کے خلاف سب سے اچھی بالنگ کا ریکارڈ دیپک ہوڈا کے پاس ہے جنہوں نے ماونٹ مونگوئی میں20 نومبر 2022 کو کھیلے گئے میچ میں2.5اوور میںدس رن دیکرچار کھلاڑیوں کو آوٹ کیا تھا۔
ٹونٹی ٹونٹی بین الاقوامی کرکٹ میں ہندوستان کا رینکنگ میں پہلا مقام ہے جبکہ نیوزی لینڈ چوتھے مقام پر ہے۔
