سید پرویز قیصر
انگلینڈ کے خلاف اوول میں کھیلے گئے چوتھے اور آخری ٹونٹی ٹونٹی بین الاقوامی میچ میں بابر اعظم نے29 منٹ میں22 بالوں پر پانچ چوکوں اور ایک چھکے کی مدد سے36 رن بنائے۔ اس اننگ سے پاکستان کو اس میچ میں جیت نہیں ملی البتہ اس اننگ کے دوران وہ ٹونٹی ٹونٹی بین الاقوامی کرکٹ میں اپنے چار ہزار رن مکمل کرنے میں ضرور کامیاب ہوگئے۔ وہ ایسا کرنے والے ہندوستان کے وراٹ کوہلی کے بعد دوسرے بلے باز بنیْ
وراٹ کوہلی جنہوں نے زمبابوے کے خلاف ہرارے میں12 جون2010 کو اپنا پہلاٹونٹی ٹونٹی بین الاقوامی میچ کھیلا تھا، اپنے چار ہزار رن انگلینڈ کے خلاف ایڈیلیڈ میں 10 نومبر2022 کو اپنی پچاس رن کی اننگ کے دوران عبور کیا۔ انہوں نے115 ویں میچ کی107 ویں اننگ میں اپنے چار ہزار رن مکمل کئے تھے۔
دائیں ہاتھ سے بلے بازی کرنے والے اس کھلاڑی نے ابھی تک جو117 ٹونٹی ٹونٹی بین الاقوامی میچ کھیلے ہیں انکی109 اننگوں میں51.75 کی اوسط اور138.15 کے اسٹرائیک ریٹ کے ساتھ ایک سنچری اور37 نصف سنچریوں کی مدد سے4037 رن بنائے ہیں۔ وہ پانچ مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور آوٹ ہوئے بغیر122 رن ہے جو انہوں نے افغانستان کے خلاف دوبئی میں8 ستمبر2022 کو90 منٹ میں61 بالوں پر بارہ چوکوں اور چھ چھکوں کی مدد سے بنایا تھا۔ اس میچ میں ہندوستان نے101 رن سے جیت اپنے نام کی تھی۔
بابر اعظم نے اپنا پہلا ٹونٹی ٹونٹی بین الاقوامی میچ انگلینڈ ہی کے خلاف مانچسٹر میں7 ستمبر2016 کو کھیلا تھا۔ انہوں نے تب سے اب تک جو119 ٹونٹی ٹونٹی بین الاقوامی میچ کھیلے ہیں انکی112 اننگوں میں 41.05 کی اوسط اور130.15 کے اسٹرائیک ریٹ کے ساتھ تین سنچریوں اور36 نصف سنچریوں کی مدد سے4023 رن بنائے ہیں ۔ وہ چھ مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور122 رن ہے جو انہوں نے جنوبی افریقہ کے خلاف سنچورین میں77 منٹ میں59 بالوں پر15 چوکوں اور چار چھکوں کی مدد سے بنایا تھا۔ اس میچ میں پاکستان نے نو وکٹ سے کامیابی اپنے نام کی تھی۔
بابر اعظم کی موجودگی میں پاکستان کو جن71 میچوں میں کامیابی ملی ہے انکی 70 اننگوں میں45.41 کی اوسط اور132.49 کے اسٹرائیک ریٹ کے ساتھ تین سنچریوں اور24 نصف سنچریوں کی مدد سے 2634 رن بنائے ہیں۔ وہ پانچ مرتبہ اپنا کھاتہ نہیں کھول پائے ہیں اور ان کا سب سے زیادہ اسکور122 رن ہے۔ انکے ٹیم میں رہتے پاکستان کو جن41 میچوں میں شکست ہوئی ہے انکی41 اننگوں میں33.25 کی اوسط اور124.88 کے اسٹرائیک ریٹ کے ساتھ گیارہ نصف سنچریوں کی مدد سے1330 رن بنائے ہیں۔ وہ ایک مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور90 رن ہے جو انہوں نے جنوبی افریقہ کے خلاف3 فروری2019 کو78 منٹ میں58 بالوں پر13 چوکوں اورایک چھکے کی مدد سے بنایا تھا۔ بابراعظم کی موجودگی میں پاکستان کے سات میچ نامکمل رہے ہیں۔ اس سات میچوں میں سے ایک اننگ میں انہیں بلے بازی کا موقع ملا جس میں انہوں نے آوٹ ہوئے بغیر 59رن بنائے۔
