نئی دہلی (یو این آئی) ہاکی انڈیا لیگ 2024-25 خواتین کی نیلامی کے پہلے ہاف میں منگل کو چاروں فرنچائزی ٹیموں نے 41 ہندوستانی اور بین الاقوامی کھلاڑیوں کے لیے بولی لگائی۔ سریچی راڑ بنگال ٹائیگرز نے ادیتا دوہان کے لیے سب سے زیادہ بولی لگائی گئی اور اسے بنگال ٹائیگرز نے 32 لاکھ روپے میں خریدا۔ وہ ہریانہ سے ہیں اور ہندوستانی ٹیم میں بطور ڈفینڈر کھیلتی ہیں۔ شراچی راڑ بنگال ٹائیگرز نے آج یہاں دن کے پہلے ہاف میں 32 لاکھ روپے کی سب سے مہنگی بولی لگا کر ہندوستان کی اُدیتا کو خرید لیا۔ اس کے علاوہ ڈچ اسٹار ڈریگ فلکر یبی جانسن کو اڈیشہ واریئرز نے 29 لاکھ روپے کی بولی لگا کر خریدا۔نوجوان ہندوستانی کھلاڑی لالریمسیامی کو شراچی راڑ بنگال ٹائیگرز نے 25 لاکھ میں خریدا، سنیتا ٹوپو کو دہلی ایس جی پائپرز نے 24 لاکھ میں اور سنگیتا کماری کو دہلی ایس جی پائپرز نے 22 لاکھ میں خریدا۔اس دوران کئی غیر ملکی کھلاڑیوں نے بولی لگائی۔ جس میں سورما ہاکی کلب نے بیلجیئم کی شارلٹ اینجلبرٹ کو 16 لاکھ روپے میں، جرمنی کی شارلٹ سٹیپن ہارسٹ کو 16 لاکھ روپے میں اور آسٹریلیا کی جوسلین بارٹرم کو اڈیشہ واریئرز نے 15 لاکھ روپے میں خریدا۔
