ریاض :سعودی پریس ایجنسی نے بدھ کو اطلاع دی کہ مملکت کی جانب سے کسوۃ الکعبہ (غلافِ کعبہ) کا ایک پارچہ ازبکستان میں اسلامی تہذیب کے مرکز کو تحفے میں دیا گیا ہے۔سعودی وزیر برائے حج و عمرہ توفیق الربیعہ جو اس وقت وسطی ایشیائی ملک کے دورے پر ہیں، نے شاہ سلمان کی ہدایت پر کپڑے کا پارچہ ازبکستان کے صدر شوکت مرضیایف کے سپرد کیا۔وزارتِ حج و عمرہ نے کہا کہ مرضیایف نے سعودی مملکت کی ان کوششوں کو سراہا جو حج و عمرہ کے تجربات کو فروغ دینے اور ازبک زائرین کے مملکت کے سفر میں سہولت فراہم کرنے کے لیے کی گئی ہیں۔
