سید پرویز قیصر
پہلے میچ میں اسکاٹ لینڈ کے خلاف کامیابی کے بعد ویسٹ انڈیز کی ٹیم ٹونٹی ٹونٹی عالمی کپ میں اپنا دوسرا میچ انگلینڈ کے خلاف ممبئی کے وانکھڑے اسٹیڈینم میں بدھ (11 فروری) کو کھیلے گی۔ انگلینڈ نے اپنے پہلے میچ میں ایک سخت مقابلے کے بعد نیپال کو چار رن سے شکست دی تھی۔
انگلینڈ اور ویسٹ انڈیز کے درمیان ٹونٹی ٹونٹی عالمی کپ میں ہونے والا یہ آٹھواں اور کل ملاکر39 واں ٹونٹی ٹونٹی بین الاقوامی میچ ہوگا۔ دونوں کے درمیان ابھی تک جو38 ٹونٹی ٹونٹی بین الاقوامی میچ ہوئے ہیں اس میں ویسٹ انڈیز نے18 میچ اور انگلینڈ نے 19 میچ جیتے ہیں جبکہ ایک میچ نامکمل رہا ہے۔ ویسٹ انڈیز نے ٹونٹی ٹونٹی عالمی کپ میں انگلینڈ کے خلاف سات میچوں میں سے پانچ میچ جیتے ہیں۔ انگلینڈ نے دو میچوںمیں جیت اپنے نام کی ہے۔
دونوںکے درمیان جو آخری پانچ ٹونٹی ٹونٹی بین الاقوامی میچ ہوئے ہیں اس میں ویسٹ انڈیز نے ایک اور انگلینڈ نے تین میں کامیابی حاصل کی ہے۔ ایک میچ بارش کی نذر ہوا ہے۔ 10 جون 2025کوساوتھمپٹن میں جو آخری ٹونٹی ٹونٹی بین الاقوامی میچ دونوں کے درمیان ہوا تھا اس میںانگلینڈنے 37 رن سے جیت اپنے نام کی تھی۔ ٹاس ہارنے کے بعد پہلے بلے بازی کرتے ہوئے انگلینڈ نے مقرریہ 20 اوور میں تین وکٹ پر 248 رن تھے۔ویسٹ انڈیز نے مقررہ 20 اوور میں آٹھ وکٹ پر 211 رن بنائے تھے اور میچ37 رن سے گنوادیا تھا۔
برج ٹاون میں26 جنوری2022 کو ہوئے میچ میں ویسٹ انڈیز نے مقررہ 20 اوور میں پانچ وکٹ پر 224 رن بنائے تھے جو اس کا انگلینڈ کے خلاف سب سے زیادہ اسکور ہے۔ انگلینڈ کا ویسٹ انڈیز کے خلاف سب سے زیادہ اسکور20 اوور میں تین وکٹ پر267 رن ہے جو اس نے تروبا میں 19 دسمبر2023 کو بنایا تھا۔
ویسٹ انڈیز کے سبھی کھلاڑی بیسیٹری میں8 مارچ2019 کو ہوئے میچ میں11.5 اوور میں45 رن بناکر آوٹ ہوئے تھے جو اس کا انگلینڈ کے خاف سب سے کم اسکور ہے۔ انگلینڈ کا ویسٹ انڈیز کے خلاف سب سے کم اسکور16.4 اوور میں88 رن ہے جو اس نے اوول میں25 ستمبر2011 کو بنایا تھا۔
رومین پاول نے برج ٹاون میں26 جنوری2022 کو ہوئے میچ میں71 منٹ میں53 بالوں پر چار چوکوں اور دس چھکوں کی مدد سے107 رن بنائے تھے جو ویسٹ انڈیز کی جانب سے انگلینڈ کے خلاف سب سے بڑا انفرادی اسکور ہے۔ انگلینڈ کی جانب سے ویسٹ انڈیز کے خلاف سب سے بڑا انفرادی اسکور کرنے کا ریکارڈ فل سالٹ کے پاس ہے جنہوں نے تروبا میں 19 دسمبر2023 کو کھیلے گئے میچ میں 80 منٹ میں 57بالوں پر سات چوکوں اور دس چھکوں کی مدد سے119 رن بنائے تھے۔
برج ٹاون میں30 جنوری2022 کو ہوئے میچ میں جیسن ہولڈر نے2.5 اوور میں27 رن دیکر پانچ کھلاڑیوں کو آوٹ کیا تھا جو ویسٹ انڈیز کی جانب سے انگلینڈ کے خلاف سب سے اچھی بالنگ کارکردگی ہے۔ انگلینڈ کی جانب سے یہ ریکارڈ عادل رشید کے پاس ہے جنہوں نے دوبئی میں23 اکتوبر2021 کو2.2 اوور میں دو رن دیکرچار کھلاڑیوں کو آوٹ کیا تھا۔
