شعیب رضا فاطمی
نئی دہلی 5جون ، سماج نیوزسروس: کانگریس کے سابق صدر ان دنوں امریکہ کے دورے پر ہیں۔ دریں اثنا، پیر 5 جون کو مقامی وقت کے مطابق دوپہر 12 بجے، انہوں نے نیویارک کے جیوٹس سینٹر میں ایسٹ انڈین کمیونٹی سے خطاب کیا۔اس خطاب میں انہوں نے کہا کہ ہندوستان میں دو طرح کے نظریات چل رہے ہیں۔ جس میں ایک طرف ناتھورام گوڈسے کا نظریہ ہے اور دوسری طرف مہاتما گاندھی کا نظریہ۔ ہم مہاتما گاندھی کے نظریے کے ساتھ آگے بڑھ رہے ہیں۔راہول گاندھی نے کہا کہ ہندوستان میں دو نظریات کی لڑائی ہے۔ ایک بی جے پی کا ہے اور ایک کانگریس کا ہے، ایک طرف ناتھورام گوڈسے کا نظریہ ہے اور دوسری طرف ہم مہاتما گاندھی کے نظریے کو آگے بڑھا رہے ہیں۔ گاندھی جی نے انگریزوں سے جنگ کی جو اس وقت امریکہ سے بڑی طاقت تھے۔ آپ لوگ گاندھی، امبیڈکر، پٹیل، نہرو کے نقش قدم پر چل رہے ہیں۔ہندوستان کی موجودہ سیاسی صورتحال پر بات کرتے ہوئے راہول گاندھی نے کہا کہ گاڑی چلاتے ہوئے آپ ہمیشہ پیچھے مڑ کر نہیں دیکھ سکتے۔ حادثہ ہوتا ہے۔ لیکن پی ایم مودی، بی جے پی اور آر ایس ایس کی مشکل یہی ہے کہ وہ ہمیشہ ماضی کے بارے میں بات کرتے ہیں اور ہمیشہ کسی اور پر الزام لگانے کا سوچتے ہیں۔ بی جے پی اور آر ایس ایس میں مستقبل دیکھنے کی صلاحیت نہیں ہے۔ ان سے کچھ پوچھو، وہ پیچھے مڑ کر دیکھتے ہیں۔ اڑیسہ ٹرین حادثے پر سوال پوچھیں، تو وہ کہیں گے کہ کانگر ریس نے 50 سال پہلے ایسا کام کیا تھا، اسی لیے یہ حادثہ ہوا۔کانگریس لیڈر راہل گاندھی نے اپنے خطاب کے دوران ایک بار پھر محبت کی دکان کو فروغ دینے کی بات کی ۔ اس نے کہا کہ ‘میں یہاں اپنے دماغ کی بات نہیں کروں گا۔ مجھے اس میں زیادہ دلچسپی ہے جو واقعی آپ کے ذہن میں ہے۔ ان کا مزید کہنا تھا کہ ‘ان کا کام نفرت پھیلانا ہے اور ہمارا کام محبت پھیلانا ہے۔ ہم آپ کا کام کیوں کریں گے، ہم اپنا کام کریں گے۔ بھارت میں ان کے حوالے سے چیلنجز ہیں۔ آج کا ہندوستان، ماڈرن انڈیا میڈیا اور جمہوریت کے بغیر نہیں رہ سکتے۔ یہاں ایسے لوگ ہیں جو پیار اور محبت پر یقین رکھتے ہیں۔ اگر آپ یہاں رہتے ہیں، تو آپ ہندوستان کو 24 گھنٹے محبت کے لیے اپنے ساتھ لے کر چلتے ہیں۔اس دورے میں راہل گاندھی کے ساتھ کانگریس کے کئی رہنما بھی ان کے ساتھ ہیں۔ ان میں تلنگانہ کانگریس کے سربراہ اے ریونت ریڈی، ہریانہ کے رکن پارلیمنٹ دیپیندر ہوڈا،بطور ترجمان شامل ہیں۔الکا لامبا، سیم پترودا کے ساتھ ساتھ کئی کانگریسی لیڈر بھی شامل ہیں۔ راہل گاندھی کا جاویٹس سنٹر میں جوڑو جوڑو بھارت جوڑو کے نعروں کے ساتھ استقبال کیا گیا، جبکہ پروگرام کے دوران ایک نعرہ یہ بھی لگایا گیا کہ ہمارا لیڈر کیسا ہو ،راہل گاندھی جیسا ہو ۔پروگرام کے آغاز میں انڈین اوورسیز کانگریس کے صدر سیم پترودا نے راہل گاندھی سے پہلے خطاب کیا۔ پترودا نے کہا کہ آج آپ نئی ٹکنالوجی کے طور پر جو کچھ بھی بھارت میں دیکھ رہے ہیں، اس کے بیج کانگریس کے دور میں بوئے گئے تھے۔ انہوں نے کہا کہ میں جب بھی راہول گاندھی کو دیکھتا ہوں تو بھول جاتا ہوں کہ میں راجیو گاندھی کو دیکھ رہا ہوں یا راہول گاندھی کو۔ سیم پترودا نے کہا کہ یہ آپ پر منحصر ہے کہ آپ کو کس راستے پر چلنا ہے۔
… بی جے پی یا کانگریس؟ انہوں نے کہا کہ آئندہ الیکشن فیصلہ کن ہوں گے۔پروگرام میں اوڑیسہ کے بالاسور میں ہونے والے ٹرین حادثے کا بھی ذکر کیا گیا اور اپنے خطاب کا اختتام کرتے ہوئے سام پترودا نے خاموشی اختیار کرتے ہوئے حادثے میں جانیں گنوانے والوں کو خراج عقیدت پیش کیا۔
