انوراگ پرتاپ سولنکی
نئی دہلی؍جے پور،سماج نیوز سروس:ملک کے نامی گرامی، معروف یونانی فزیشنز کی تنظیم، آل انڈیا یونانی طبی کانگرس کے سیکرٹری جنرل نے خیرخواہ اِنسانیت حکیموں کے تعاون سے امراض کی جڑ سے کاٹ کرنے والی دیسی دواؤں اور ڈربک طبی ورزشوں کی دو دھاری تلوار چلانے والے اعلی ہنرمند حکیم تیار کرنے کے پائیدار مقصد سے راجستھان یونانی میڈیکل کالج اینڈ ہاسپٹل جے پور میں ڈربک منتخبہ طبی ریاضتوں کی ورکشاپ کا افتتاح فرمایا. ورکشاپ کے کنوینر پروفیسر سید عبد المجیب نے پرنسپل پروفیسر ایم۔ اعظم انصاری، ڈاکٹر پرویز اختر وارثی، پروفیسر ضیاء الاسلام کے ساتھ مل کر ڈربک منتخبہ طبی ریاضتوں کی نمائش کا افتتاح فرمایا. ریکس ریمیڈیز لمٹیڈ کے تعاون سے مفت یونانی میڈیکل کیمپ کے موقع کا فائدہ اٹھاتے ہوئے، آل انڈیا یونانی طبی کانگرس راجستھان اسٹیٹ کے سیکرٹری جنرل ڈاکٹر سید عبد المجیب نے سیکھو اور سکھاؤ دیش کو صحتمندی کے میدان میں ترقی یافتہ اور قابل فخر بناؤ اور دنیا جہاں کو خیر والی ہنرمندی سے نفع دلاؤ والی اطباء اور حکماء ہند کی مشترکہ سوچ کے ساتھ، دگر ماہرین طب کے تعاون سے، ڈاکٹر حضرات اور پیرا میڈیکل سائنس کے اساتذہ اور طلباء کے لئے علاج بالتدبیر (نیچرو پیتھی) اینڈ یوگا ریاضت کی خصوصی سی.ایم.ای. کا اہتمام فرمایا. اس سی.ایم.ای. میں طب یونانی کے نوجوان طلبا نے ڈاکٹر نسیم علی، ایونٹ مینیجر کوثر جے پوری اور وجیہہ جے پوری کے ساتھ خصوصی دلچسپی سے ڈربک منتخبہ طبی ریاضتوں کے رموز ذہن نشیں کئے اور ان ریاضتوں کی ماہر میڈم کوثر دہلوی کی زیر نگرانی چار سو مریضوں کو حسب ضرورت مشقوں سے فائدہ دلایا. آپ کو یہ جان کر خوشی ہوگی کہ خاندانی یونانی حکیم ڈاکٹر بدرالاسلام کیرانوی نے اپنی پچاس سالہ تحقیق و ترویج کی مسلسل جفاکشی سے تیار، حیران کُن نفع بخش ریاضتوں کو حکومت ہند کے 50 ہزار اساتذہ، 10 لاکھ والنٹئر اور ٣٥ لاکھ سے زائد نوجوانوں کو سن 2012 تک بحیثیت بھارت سرکار کے ٹریننگ کمشنر مفت سکھوایا اور اب اس علاج بالتدبیر (نیچرو پیتھی) اینڈ یوگا ریاضت کی خصوصی سی.ایم.ای کے دوران، مزید آب و تاب کے ساتھ، اپنی حیران کُن افادیت سے مالامال اور دنیا جہاں میں بے شمار مقبولیت حاصل کرنے والی ان پیرا میڈیکل سائیکو فزیوتھیراپی نیچر والی ایکسرسائز کا اپڈیٹڈ ورزن مفت پیش کیا ہے.
