سید پرویز قیصر
دہلی میں دہلی کیپٹلس کے خلاف کھیلے گئے انڈین پریمیر لیگ کے میچ میں راجستھان رائلز کے یجویندر چہل نے ریشبھ پنت کو ٹرینٹ بولٹ کے ہاتھوں کیچ کراکے ٹونٹی ٹونٹی کرکٹ میں اپنے 350 وکٹ مکمل کئے۔ وہ ایسا کرنے والے ہندوستان کے پہلے اور کل ملاکر گیارہویں بالر بنے۔
اس لیگ بریک گگلی بالر نے2009 سے اب تک ہندوستان، ہریانہ، ممبئی انڈینس ، راجستھان رائلز اور رائل چیلنجرس بنگلور کیلئے جو 301 میچ کھیلے ہیں انکی298 اننگوں میں6449 بالوں پر8278 رن دیکر23.65 کی اوسط اور2 18.4 کے اسٹرائیک ریٹ کے ساتھ پورے 350 کھلاڑیوں کو آوٹ کیا ہے۔ انہوں نے گیارہ مرتبہ ایک اننگ میں چار یا اس سے زیادہ وکٹ حاصل کئے ہیں اور انکی سب سے اچھی بالنگ چار اوور میں 25 رن دیکر چھ وکٹ ہے جو انہوں نے ہندوستان کی جانب سے انگلینڈ کے خلاف بنگلور میں یکم فروری 2017 کو انجام دی تھی۔ انکی یہ بالنگ ہندوستان کیلئے ٹونٹی ٹونٹی بین الاقوامی کرکٹ میں دوسری سب سے اچھی بالنگ بھی ہے۔
ٹونٹی ٹونٹی کرکٹ میں سب سے زیادہ وکٹ لینے کا ریکارڈ ویسٹ انڈیز سے تعلق رکھنے والے ڈیون براوو کے پاس ہے جنہوں نے2006 سے اب تک جو573 میچ کھیلے ہیں انکی539 اننگوں میں11048 بالوں پر15187 رن دیکر24.29 کی اوسط اور17.67 کے اسٹرائیک ریٹ کے ساتھ625 کھلاڑیوں کو آوٹ کیا ہے۔ وہ تیرہ مرتبہ ایک اننگ میں چار یا اس سے زیادہ کھلاڑیوں کو آوٹ کرنے میں کامیاب رہے ہیں اور انکی سب سے اچھی بالنگ کارکردگی چار اوور میں23 رن دیکر پانچ وکٹ ہے جو انہوں نے ریڈ اسٹیل کی جانب سے کھیلتے ہوئے جمائیکا تالا وہاس کے خلاف پورٹ آوٹ اسپین میں23 جولائی2015 کو ہوئے میچ میں انجام دی تھی۔
افغانستان سے تعلق رکھنے والے راشد خان ٹونٹی ٹونٹی کرکٹ میں سب سے زیادہ وکٹ حاصل کرنے والے اسپنراور کل ملاکر دوسرے سب سے زیادہ وکٹ حاصل کرنے والے بالر ہیں۔ اس لیگ بریک گگلی بالر نے2015 سے اب تک جو424 ٹونٹی ٹونٹی میچ کھیلے ہیں انکی 421 اننگوں میں9774 بالوں پر10552 رن دیکر18.44 کی اوسط اور8 17.0 کے اسٹرائیک ریٹ کے ساتھ572 کھلاڑیوں کو آوٹ کیا ہے۔ انہوں نے سولہ مرتبہ ایک اننگ میں چار یا اس سے زیادہ کھلاڑیوں کو آوٹ کیا ہے اور انکی سب سے اچھی بالنگ کارکردگی چار اوور میں 17 رن دیکر چھ وکٹ ہے جو انہوں نے بیگ بیش لیگ میں برسبین میں12 جنوری2022 کو ایڈیلیڈ اسٹراکرس کی جانب سے برسبین ہیٹ کے خلاف انجام دی تھی۔
ویسٹ انڈیز سے تعلق رکھنے والے سنیل نارائین اس قسم کے کرکٹ میں تیسرے سب سے زیادہ وکٹ لینے والے بالر ہیں۔ اس آف اسپنر نے2011 سے اب یک جو509 میچ کھیلے ہیں انکی500 اننگوں میں11543 بالوں پر11780 رن دیکر21.45 کی اوسط اور 21.02 کے اسٹرائیک ریٹ کے ساتھ549 کھلاڑیوں کو آوت کیا ہے۔ انہوں نے تیرہ مرتبہ ایک اننگ میں چار یا اس سے زیادہ وکٹ احاصل کئے ہیں اور انکی سب سے اچھی بالنگ کارکردگی چار اوور میں19 رن دیکر پانچ وکٹ ہے جو انہوں کو کولکاتہ نائیٹ رائیڈرس کی جانب سے پنجاب کنگس کے خلاف کولکاتہ میں15 اپریل2012 کو انجام دی تھی۔
عمران طاہر ( 405میچوں میں502 وکٹ)، ثاقب الحسن (428 میچوں میں482 وکٹ)، آندرے رسل (493 میچوں میں443 وکٹ)، واحب ریاض ( 348 میچوں میں413 وکٹ)، لاستھ ملنگا (295 میچوں میں390 وکٹ)، سہیل تنویر (388 میچوں میں389 وکٹ) اور کریس جارڈن (388 میچوں میں389 وکٹ)بھی 350 وکٹ حاصل کرنے والوں میں شامل ہیں۔
