پٹنہ، 28 فروری 2025: ہندوستان کے پہلے صدر جمہوریہ دیش رتن ڈاکٹر راجندر پرساد کے 62 ویں’نِروان دِیوس‘ کے موقع پر قوم نے انہیںسلام کیا اور ان کی شخصیت اور کارناموں کو یاد کرکے انہیں خراج عقیدت پیش کیا۔
پٹنہ میں،دیش رتن ڈاکٹر راجندر پرساد کے 62 ویں نروان دیوس کے موقع پر مین سرکاری تقریب کا انعقاد مہاپریان گھاٹ (بانس گھاٹ) واقع ان کی سمادھی کے قریب کیا گیا، جہاں گورنرجناب عارف محمد خان اور وزیر اعلیٰ جناب نتیش کمار نے دیش رتن کی سمادھی پر گلپوشی کر کے انہیں خراج عقیدت پیش کیا۔ ہندوستان کی صدرجمہوریہ محترمہ دروپدی مرمو کی جانب سے بہار کے گورنر کے معاون، نائب صدرجمہوریہ جناب جگدیپ دھنکھڑ کی جانب سے ڈسٹرکٹ مجسٹریٹ پٹنہ ،بھارت کے وزیر اعظم جناب نریندر مودی کی جانب سے پٹنہ ڈویژن کے کمشنرنے دیش رتن ڈاکٹر راجندر پرساد کی سمادھی پر گلپوشی کر کے خراج عقیدت پیش کیا۔
اس موقع پر نائب وزیر اعلیٰ جناب سمراٹ چودھری، آبی وسائل اور پارلیمانی امور کے وزیر جناب وجے کمار چودھری، وزیر ٹرانسپورٹ شریمتی شیلا کماری، ریاستی شہری کونسل کے سابق جنرل سکریٹری جناب اروند کمار اور کئی دیگر معززین نے دیش رتن ڈاکٹر راجندر پرساد کی سمادھی پر گلپوشی کر کے خراج عقیدت پیش کیا۔
اس موقع پروزیر اعلیٰ کے سکریٹری مسٹر کمار روی، پٹنہ کے ڈی ایم ڈاکٹر چندر شیکھر سنگھ،ایس ایس پی مسٹر اوکاش کمار موجود تھے۔
اس موقع پر بہار ملٹری پولیس نے کے ذریعہ تعزیتی سلامی دی کئی اور دو منٹ کی خاموشی اختیار کر کے موجود تمام لوگوں نے دیش رتن کو یاد کیا اور انہیں خراج عقیدت پیش کیا۔
