شارجہ :یوکرین سے تعلق رکھنے والی تارکین وطن کے اسلام قبول کرنے کے چند لمحوں بعد انتقال پر شہری جنازے میں شرکت کرنے پہنچ گئےعرب میڈیا پر تارکین وطن سے متعلق تو کئی خبریں موجود ہیں تاہم کچھ ایسی ہوتی ہیں جو کہ سوشل میڈیا صارفین کی توجہ بھی حاصل کرتی ہیں اور حیران بھی کر دیتی ہیں۔حال ہی میں متحدہ عرب امارات میں خاتون تارکین وطن سے متعلق خبر نے عرب میڈیا کی توجہ حاصل کر لی ہے۔
تفصیلات کے مطابق روسی خاتون متحدہ عرب امارات میں بطور تارکین وطن رہ رہی تھی، تاہم خاتون کے جنازے میں پورا شہر ہی امڈ آیا ہے۔62 سالہ روسی خاتون تارکین وطن لیوڈمیلا شتشیبنیا اسلام قبول کرنے کے 2 دن بعد ہی انتقال کر گئی تھی، تاہم خاتون کے جنازے میں شرکت کے لیے گھر والے موجود نہ تھے۔
خلیج ٹائمز کے مطابق انسٹاگرام پر جنازہ یو اے ای نامی اکاؤنٹ سے پوسٹ کیا گیا تھا، جس میں بتایا گیا تھا کہ خاتون کا یہاں کوئی نہیں ہے نہ ہی بھائی، نہ شوہر اور نہ ہی بیٹے۔اسی پوسٹ میں شہریوں سے جنازے میں شرکت کی درخواست کی گئی تھی، جس کے بعد پیر کے روز مغرب کی نماز کے بعد ہونے والی نماز جناز میں متعدد افراد نے شرکت کی۔
اماراتی شہر شارجہ کی مقامی مسجد الصحابہ مسجد میں نماز جنازہ ادا کی گئی تھی، جنازہ یو اے ای کے سربراہ عبداللہ حسین المرزوقی کی جانب سے کہنا تھا کہ ہمیں یہ معلومات ملی تھی، جو کہ ہم نے فورا ہی پوسٹ کر دیں، ہمیں بتایا گیا تھا کہ خاتون کا یہاں کوئی نہیں ہے، جنازے میں شرکت کی درخواست کی گئی تھی۔
واضح رہے اس سے قبل بھی متحدہ عرب امارات میں ایسے واقعات پیش آئے ہیں جن میں تارکین وطن کے اسلام قبول کرنے سے محض چند دن اور لمحات بعد ہی انتقال ہو گیا تھا۔ ان نو مسلموں کے جنازوں میں بڑی تعداد میں لوگوں کی جانب سے شرکت کی گئی تھی
