کانپور میں حالات اور پچ دیکھ کر اتریں گے: ابھیشیک

کانپور (یو این آئی) ہندوستانی ٹیم کے بیٹنگ کوچ ابھیشیک نائر نے بدھ کو کہا کہ ٹیم کے تمام کھلاڑی فٹ اور کھیلنے کے لئے پرجوش ہیں، لیکن ہندوستان کانپور ٹیسٹ میں حالات اور پچ کو دیکھ کر اپنی حکمت عملی تیار کرے گا۔
میچ کے موقع پر منعقدہ پریس کانفرنس میں ابھیشیک نے کہا، ’’سچ پوچھیں تو مجھے ابھی تک نہیں معلوم کہ ہم کس سطح پر کھیلنے جا رہے ہیں لیکن یہاں تیار کی گئی دونوں پچز بہت اچھی لگ رہی ہیں۔ کانپور اکثر اچھی چیزوں کے لیے جانا جاتا ہے۔ مجھے ابھی تک باؤنس کے بارے میں یقین نہیں ہے، یہ دلچسپ ہوگا کہ جب ہم صبح گراونڈ پر اترتے ہیں تو حالات کیسے ہوتے ہیں کیونکہ بہت کچھ پر اس پر منحصر ہوتا ہے کہ پچ کس طرح کھیلتی ہے۔ ہمارے لیے پچ پر کوئی بھی فیصلہ کرنا یا کسی بھی قسم کا سوچنا بہت جلدبازی یوگی لیکن ہمیں امید ہے کہ ہم کل دھوپ والے دن میدان میں اتریں گے۔
انہوں نے کہا، "ہر کھلاڑی حوصلہ افزا ہے اور ہندوستانی ٹیم کا حصہ بننا کئی طریقوں سے بڑی بات ہوتی ہے۔ ایک نوجوان کھلاڑی سمجھتا ہے کہ ایسا وقت آئے گا جب اسے کسی اور کے لیے باہر بیٹھنا پڑے گا۔ ایسے وقت بھی آئیں گے جب انہیں کسی سینئر کھلاڑی کے لیے جگہ بنانا ہو گی لیکن ایسے وقت میں یہ بہت ضروری ہے کہ ہم بطور ساتھی کے طوپر مثبت ذہنیت رکھیں اور کھلاڑیوں کو تیار کرنے کی کوشش کریں۔ اگر کھلاڑی اس سے بھی بہتر ہیں تو جب وہ ٹیم میں واپس آئیں گے اور موقع ملے گا تو انہیں کارکردگی دکھانے کے لیے تیار رہنا چاہیے۔
چائنا مین گیند باز کلدیپ یادیو کے پلیئنگ الیون میں جگہ ملنے کے امکانات کے بارے میں پوچھے جانے پر انہوں نے کہا کہ ظاہر ہے مقامی کھلاڑی ہونے کے ناطے کلدیپ یادو کے بارے میں بات کرنا عام ہے لیکن اس حوالے سے حتمی فیصلہ کل صبح ہی کیا جانا بہتر ہوگا۔”
کے ایل راہول کی فارم کے بارے میں انہوں نے کہا، “کے ایل راہول ایک بہترین بلے باز ہیں۔ جب آپ ہندوستان کے لیے کھیل رہے ہوتے ہیں تو آپ کو حوصلہ افزائی کی ضرورت نہیں ہوتی۔ کبھی کبھی یہ صرف سمت ہوتی ہے اور مجھے لگتا ہے کہ کے ایل نے پچھلے کچھ دنوں میں ان کے ساتھ تھوڑا سا وقت گزارا ہے۔ وہ ایسے شخص ہیں جو اپنے کھیل کو اچھی طرح سمجھتے ہیں۔ مجھے لگتا ہے کہ جب وہ جنوبی افریقہ میں تھے تو انہں نے ہندوستان کے لیے زبردست اننگز کھیلی تھیں۔ میرے خیال میں وہ جس طرح سے بیٹنگ کر رہے ہیں وہ تسلی بخش ہے۔ جس طرح وہ چنئی میں دوسری اننگز میں بلے بازی کر رہے تھے، مجھے یقین ہے کہ آگے چل کر آپ ان سے توقعات اور کارکردگی دیکھیں گے۔
ٹیم کی فٹنس کے بارے میں پوچھے جانے پر ابھیشیک نے کہا، “مجھے لگتا ہے کہ ہر کوئی اس وقت دستیاب ہے۔ ہر کوئی فٹ ہے اور جانے کے لیے تیار ہے۔ میرے خیال میں اب بہت سارے فیلڈرز اور بہت سارے ڈومیسٹک کرکٹرز اور عام طور پر کرکٹرز نے زیادہ فٹ ہونے پر زور دیا ہے اور مجھے لگتا ہے کہ اس کا نتیجہ براہ راست زیادہ فٹ، ​​تیز اور چست ہندوستانی ٹیم کی صورت میں نکلا ہے۔
ٹیم میں نائب کپتان نہ ہونے کے سوال پر انہوں نے کہا کہ آپ کو اس ٹیم میں بہت سے کپتان، مثالی کپتان ملے ہیں اس لیے آپ کو نائب کپتان کا نام دینے کی ضرورت نہیں ہے۔
دریں اثناہندوستان اور بنگلہ دیش کے درمیان جمعہ سے یہاں شروع ہونے والے دوسرے ٹیسٹ میچ میں بارش کی وجہ سے خلل پڑنے کا امکان ہے۔محکمہ موسمیات کی پیشین گوئی کے مطابق کانپور اور آس پاس کے علاقوں میں کم از کم اگلے تین دنوں تک ہلکی سے درمیانی بارش کے امکانات ہیں۔ اس دوران زیادہ سے زیادہ درجہ حرارت 29 ڈگری اور کم سے کم 25 ڈگری سیلسیس رہنے کا اندازہ ہے۔ اس دوران آسمان بادلوں سے ڈھکے رہنے اور امس میں اضافے کی توقع ہے۔ تاہم 30 ستمبر اور یکم اکتوبر کو تیز دھوپ اور درجہ حرارت میں تیزی سے اضافے کا امکان ہے۔میچ سے پہلے بھی گرین پارک کے آسمان پر بادل تھے اور اس دوران ہلکی بارش بھی ہوئی، حالانکہ تب تک ٹیم انڈیا اپنا پریکٹس سیشن مکمل کر چکی تھی۔ بارش کے باعث بنگلہ دیش کی نیٹ پریکٹس متاثر ہوئی۔ اس دوران پورا گراؤنڈ کور کردیا گیا۔ گراؤنڈ اسٹاف میدان میں مصروف رہا۔ سہ پہر 3 بجے کے بعد دھوپ نکلنے پر کور کو ہٹایا گیا تاہم تقریباً ایک گھنٹہ بعد بونداباندی کے سبب ایک بار پھر میدان کو ڈھک دیاگیا۔
ٹیم انڈیا کے اسسٹنٹ کوچ ابھیشیک نائر نے بھی بارش کو لے کر اپنی تشویش کا اظہار کیا۔ انہوں نے کہا کہ امید ہے کہ جب ہم جمعہ کو میدان میں ہوں گے تو سیاہ بادل ہمیں خوفزدہ نہیں کریں گے اور چمکیلی دھوپ ٹیموں کا استقبال کرے گی۔
دو ٹیسٹ میچوں کی سیریز میں ہندوستان نے چنئی میں پہلا ٹیسٹ جیت کر ناقابل شکست برتری حاصل کر لی ہے تاہم دونوں ٹیمیں اور کرکٹ کے شائقین کل کے میچ کو لے کر کافی پرجوش ہیں۔