ناظم بیگ
بلند شہر،سماج نیوز سروس: ماہ شعبان کی مقدس رات ’شب برأت‘ کے پرنور موقع پر حسب روایت شہر کے محلہ شیخ واڑہ واقع جامعہ عر بیہ خادم القر آن میں سا لانہ جلسہ دستار بندی و تقسیم اسناد کا انعقادکیا گیا ۔ اجلاس میں مہما ن خصوصی کے طور پر مولانا محمد عاقل صا حب گڑھی دولت تشر یف لا ئے اور اپنے مواعظ حسنہ سے حاضرین کومحظو ظ کیا ۔جلسے کا آغاز تلاوت کلام پاک اور ہدیہ نعت سے ہوا۔ مہمان خصوصی مو لا نا محمد عا قل صاحب نے شب برأت کی فضیلت اور قرآنِ کریم کی اہمیت پر تفصیلی روشنی ڈالی۔انہوں نے کہا کہ قرآن مجید کو سینوں میں محفوظ کرنا اللہ تعالیٰ کا خاص فضل ہے اور حفاظ کرام ملت کا قیمتی سرمایہ ہیں۔شب برأت کے متعلق موصوف نے کہا کہ اس مقدس شب میں خرافات وبد عات کے بجائے توبہ اور اصلاح نفس کی ضرورت ہے ۔ آج کی شب جہاں اللہ تعالیٰ کی رحمتوں کے حصول اور گناہوں سے معافی کی رات ہے، وہیں یہ وقت ہمیں اپنے معاشرے کے بگڑے ہوئے رویوں پر غور کرنے کی دعوت دیتا ہے۔ انہوں نے کہا کہ سادگی سے قبرستان جائیں، ایصال ثواب کریں اور اپنی موت کو یاد کرتے ہوئے گناہوں سے توبہ کریں۔یہ رات بہترین موقع ہے کہ ہم اپنے ناراض رشتہ داروں، پڑوسیوں اور دوستوں سے معافی مانگیں اور دل صاف کریں۔ معاشرے میں امن کا قیام ’معاف کر دینے ‘کی صفت سے ہی ممکن ہے۔ مو لانا محمد ارشد قا سمی نے اپنے خطا ب میں کہا کہ اصلاح معاشرہ صرف تقریروں سے نہیں بلکہ انفرادی تبدیلی سے شروع ہوتی ہے۔ اگر ہم اس رات اپنے اخلاق، لین دین اور دوسروں کے ساتھ رویوں کو بہتر کرنے کا عہد کریں، تو یہی اس رات کا اصل پیغام ہے۔ بعدہ علماء کرام کے ہاتھوں اس سال قر آن کریم حفظ کرنے والے سات حفاظ کی دستار بندی کی گئی اور انھیں انعامات سے نوازا گیا ۔
