نئی دہلی،22؍جون،: ہماراسماج:عوام کو پریشانی سے دور کرنے کے لئے ایم سی ڈی دہلی بھر میں تجازات کے خلاف مہم چھیڑ رکھی ہے اسی کے تحت جعفرآباد روڈ نمبر ۶۶ پر آج کاروائی کرتے ہوئے دوکان کے باہر لگے ٹین شیڈ ودیگر تجاوزات کا صفایا کردیا ،لوگوں نے تھوڑی بہت مخالفت کی مگر پولیس فورس ہونے کی وجہ سے کامیابی نہیں مل سکی۔دوکانداروں کا کہنا ہے کہ اس قدر دھوپ ہورہی ہے جس سے بچنے کے لئے دوکان کے آگے ٹین شیڈ ڈال رکھا تھا اس سے نہ تو آنے جانے والوں کو کوئی پریشانی ہورہی تھی اور نہ ہی ٹریفک پر کوئی فرق پڑرہا تھا اس کے باوجود اچانک اس طرح کا نقصان کرنا سمجھ سے باہر ہے ۔لوگوں نے یہ بھی کہا کہ یوں تو سیاسی نمائندے ہمدردی کا ڈھونگ رچتے ہیں مگر آج کوئی بھی نظرنہیں آیا ۔ مقامی کونسلر کے شوہر چودھری زبیر احمد سے بات کی تو انہوں نے کہا کہ یہ ایم سی ڈی کی روٹین کاروائی تھی کیوں کہ پوری دہلی میں تجاوزات کے خلاف مہم چل رہی ہے ۔میں علاقے میں نہیں تھا اور اس کاروائی کا مجھے علم بھی نہیں تھا مگر جیسے ہی معلوم ہے میںنے ایم سی ڈی افسران کو فون کیا اور کاروائی پر بریک لگا کیوں کہ اس روڈ پر تجاوزات کا مسئلہ نہیں ہے ۔انہوں نے کہا کہ ہم نے برہم پوری روڈ پر تجاوزات ہٹانے کی ایم سی ڈ ی سے مطالبہ کیا ہے اور ہمیں اس روڈ کو صاف کرانا ہی ہے کیوں کہ لوگوں نے اس قدر روڈ پر قبضہ کررکھا ہے کہ اگر کوئی بیمار ہوجائے تو ایمبولینس سے ہسپتال پہنچنے میں گھنٹوں لگ جائیں گے۔
