سید پرویز قیصر
ویسٹ انڈیز اور جنوبی افریقہ کے درمیان ابھی تک سات ٹونٹی ٹونٹی بین الاقوامی میچوں کی سریز ہوئی ہیں جس میںپانچ سریزوں میں تین سے زیادہ میچ ہوئے ہیں۔ ویسٹ انڈیز نے موجودہ سریز سے پہلے ایک مرتبہ ایک سریز میں تین میچ نہیں جیتے۔ یہ سریز بھی اسی سال مئی 2024 میں ہوئی تھی۔
اس سریز کا پہلا ٹونٹی ٹونٹی بین الاقوامی میچ کنگسٹن میں23 مئی2024 کو کھیلا گیا تھا جس میں میزبان ٹیم نے28 رن سے جیت اپنے نام کی تھی۔ پہلے بلے بازی کرتے ہوئے ویسٹ انڈیز نے مقررہ20 اوور میں آٹھ وکٹ پر175 رن بنائے تھے جس کے جواب میں جنوبی افریقہ کے سبھی کھلاڑی19.5 اوور میں147 رن بناکر آوٹ ہوئے تھے۔
اسی میدان پر دو دن بعد کھیلے گئے دوسرے ٹونٹی ٹونٹی بین الاقوامی میچ میں ویسٹ انڈیز نے16 رن سے جیت اپنے نام کی تھی۔اس میچ میں اس ویسٹ انڈیز نے پہلے بلے بازی کرتے ہوئے مقررہ 20 اوورمیں سات وکٹ پر 207 رن بنائے تھے۔ جنوبی افریقہ نے اسکے جواب میں مقررہ 20 اوور میں سات وکٹ پر 191 رن بنائے تھے۔
سریز کا تیسرا اور آخری ٹونٹی ٹونٹی بین الاقوامی میچ بھی کنگسٹن میں کھیلا گیا جو میزبان ٹیم نے آٹھ وکٹ سے جیتا۔ اس میچ میں جنوبی افریقہ نے پہلے بلے بازی کرتے ہوئے مقررہ 20 اوور میں سات وکٹ پر 163 رن بنائے تھے۔ ویسٹ انڈیز نے13.5 اوور میں دو وکٹ پر 165 رن بناکر میچ میں کامیابی اور سریز میں3-0 سے جیتی۔
موجودہ سریز کے سبھی تینوں میچ ٹروبا میں کھیلے گئے تھے۔پہلا میچ جو 23 اگست2024 کو کھیلا گیا تھا ویسٹ انڈیز نے سات وکٹ سے جیتا تھا۔ پہلے بلے بازی کرتے ہوئے جنوبی افریقہ نے مقررہ20 اوور میں سات وکٹ پر 174 رن بنائے تھے۔ ویسٹ انڈیز نے 17.5 اوور میں تین وکٹ پر 176رن بناکر میچ میں کامیابی اپنے نام کی تھی۔
دوسرا میچ جو25 اگست2024 کو ہوا تھا اس میچ میں میزبان ٹیم نے30 رن سے کامیابی حاصل کی تھی۔ پہلے بلے بازی کرتے ہوئے ویسٹ انڈیز نے مقررہ20 اوور میں چھ وکٹ پر 179 رن بنائے تھے۔جنوبیا فریقہ کے سبھی کھلاڑی 19.4 اوور میں149 رن بناکر آوٹ ہوئے تھے جسکی وجہ سے ویسٹ انڈیز نے اس میچ میں جیت حاصل کی تھی۔
سریز کا تیسرا اور آخری میچ بھی ٹروبا میں ہی کھیلا گیا جس میں ویسٹ انڈیز نے آٹھ وکٹ سے کامیابی اپنے نام کی تھی اور سریز3-0 سے جیتی۔ بارش کی مداخلت کے بعد 27 اگست2024 کو ہونے والا یہ میچ20 اوور فی ٹیم کے بجائے 13 اوور فی ٹیم کا کردیا گیا تھا۔ جنوبی افریقہ نے پہلے بلے بازی کرتے ہوئے13 اوور میں چار وکٹ پر 108 رن بنائے تھے۔ ویسٹ انڈیز نے9.2 اوور میں دو وکٹ پر 116 رن بناکر میچ آٹھ وکٹ سے جیتا تھا اور لگاتار دو سریزوں میں جنوبی افریقہ کے خلاف کلین سوئپ دی تھی۔
ویسٹ انڈیز اور جنوبی افریقہ کے ابھی تک جو26 ٹونٹی ٹونٹی بین الاقوامی میچ کھیلے گئے ہیں اس میں ویسٹ انڈیز نے14 میچوں میں کامیابی حاصل کی ہے جبکہ بارہ میچ جنوبی افریقہ نے جیتے ہیں۔ویسٹ انڈیز نے تین میچوں کی دو سریزیں جیتی ہے جن کے درمیان ٹونٹی ٹونٹی عالمی کپ کے میچ میں جنوبی افریقہ نے ویسٹ انڈیز کے خلاف تین وکٹ سے جیت اپنے نام کی تھی۔
