ئی دلی۔ 26؍ اپریل۔ خواتین اور بچوں کی ترقی اور اقلیتی امور کی مرکزی وزیر محترمہ اسمرتی ایرانی نے آج سہ پہر سنسد مارگ ہیڈ پوسٹ آفس کا دورہ کرکے مہلا سمان سیونگ سرٹیفکیٹ (MSSC) اکاؤنٹ کھلوایا۔ وہ ایک عام پوسٹ آفس گاہک کے طور پر کاؤنٹر پر آئی اور اکاؤنٹ کھولنے کی رسمیں مکمل کیں۔ ان کا یہ اکاؤنٹ کھولا گیا اور کمپیوٹر سے تیار کردہ پاس بک کاؤنٹر پر ہی ان کے حوالے کر دی گئی۔اس موقع پر محترمہ اسمرتی ایرانی نے پوسٹ آفس کے عملے اور ایم ایس ایس سی اور سوکنیا سمردھی یوجنا کے کچھ کھاتہ داروں سے بھی بات چیت کی۔ وزیر کا نیک اقدام یقیناً لاکھوں لوگوں کو آگے آنے اور قریبی پوسٹ آفس میں اپنا ایم ایس ایس سی اور سوکنیا سمردھی اکاؤنٹ کھولنے کی ترغیب دے گا۔مہیلا سمان سیونگ سرٹیفکیٹ اسکیم کا اعلان 2023-24 کے مرکزی بجٹ میں وزیر خزانہ محترمہ نرملا سیتا رمن نے ‘ آزادی کا امرت مہوتسو’ کو منانے کے لیے کیا تھا اور یہ لڑکیوں سمیت خواتین کی مالی شمولیت اور بااختیار بنانے کی جانب ایک اہم قدم ہے۔دو سال کی مدت کی اسکیم لچکدار سرمایہ کاری اور دو لاکھ روپے کی زیادہ سے زیادہ حد کے ساتھ جزوی واپسی کے اختیارات کے ساتھ سہ ماہی میں 7.5 فیصد کمپاؤنڈ کی پرکشش شرح سود پیش کرتی ہے۔ یہ اسکیم 31 مارچ 2025 تک دو سال کی مدت کے لیے موزوں ہے۔اس اسکیم کو 01 اپریل 2023 سے تمام 1.59 لاکھ ڈاک خانوں میں دستیاب کرایا گیا ہے۔ اس کوشش کو وزیر اعظم جناب نریندر مودی نے بھی 03 اپریل 2023 کو اپنے ٹویٹ کے ذریعے سراہا تھا۔
