سرینگر، وادی کشمیر کو ریلوئے لائن کے ذریعے ملک کے دیگر حصوں سے جوڑنے کیلئے شمالی ریلوئے کی کوشش جا ری ہے جس کے چلتے ادھم پورہ ، سرینگر بارہمولہ ریلوئے لائن پر تعمیر کیا جا رہے ملک کے پہلے ’’کیبل ریلوئے پل ‘‘ پر بھی کیبل لگانے کا کام شد و مد سے جاری ہے اور امید کی جا رہی ہے کہ کیبل نصب کرنے کے ساتھ ہی اگلے ماہ اس کے ڈھانچے کو مکمل کیا جائے گا ۔تفصیلات کے مطابق کشمیر وادی کو ریل رابطے کے ذریعے ملک کے دیگر حصوں سے جوڑنے کیلئے محکمہ ریلوئے کی کوششیں بڑے پیمانے پر جاری ہے جبکہ ادھم پورہ سے سرینگر تک ریلوئے لائن پر کیبل بچھانے کا کام بھی شد و مد سے جاری ہے ۔ ریلوئے حکام کے مطابق ادھم پور سے سرینگر اور بارہمولہ کے درمیان جڑنے والی ریل لائن پر ملک کا پہلا کیبل سے تیار شدہ پل بن رہا ہے جس پر کیبل بچھانے کا کام جاری ہے اور ممکنہ طو رپر اگلے ماہ اس کے ڈھانچے کو مکمل طو رپر مکمل کیا جائے گا ۔ محکمہ کے مطابق ’’انجی کھڈ پل ‘‘جموں ادم پور،سرینگر،بارہمولہ ریلوے پروجیکٹ کا حصہ ہے۔ریلوے حکام کے مطابق،یہ ایک غیر متناسب کیبل اسٹیڈ پل ہے جو مرکزی پائلن کے محور پر متوازن ہے اور انتہائی جغرافیائی حالات میں ہمالیہ کے نوجوان فولڈ پہاڑوں کے چیلنجنگ علاقے میں بنایا جا رہا ہے۔پراجیکٹ ڈائریکٹر نے کہا کہ اس پل کی تمام 96 کیبلز تمام تر رکاوٹوں کے باوجود 11 ماہ کے ریکارڈ مدت میں کامیابی کے ساتھ پوزیشن میں آنے سے تاریخ رقم ہوئی ہے۔انجی کھڈ پل کو انجینئرنگ کا معجزہ قرار دیتے ہوئے عہدیداروں نے کہا کہ ہندوستانی ریلوے کا پہلا کیبل اسٹیڈ پل کٹرا کو جموں و کشمیر کے ریاسی سے ادھم پور سرینگر بارہمولہ ریلوے لائن پروجیکٹ پر جوڑے گا۔
