بلند شہر: سکندر آباد نگر پا لیکا چیئرمین عہدے کیلئے بہو جن سماج پارٹی کے ٹکٹ پر دوبارہ قسمت آزمائی کررہی ببو پر وین اہلیہ حاجی ارشاد عرف بھولو کے انتخابی دفتر وا قع محلہ رسا لداران کا پیر کی دیر شام افتتا ح عمل میں آیا ۔پروگرام کے مہمان خصوصی بی ایس پی کے سینئر لیڈر حاجی عمران انصاری نے فیتہ کاٹ کر با قا عدہ انتخابی دفتر کا افتتا ح کیا ۔اس مو قع پر خطا ب کر تے ہوئے حا جی عمران انصاری نے کہا کہ سیا سی پارٹیوں میں صر ف بی ایس پی ہی واحد ایسی پارٹی ہے جو ہر سماج کو سا تھ لیکر چلتی ہے ۔اس کے علاوہ دیگر پارٹیا ں ذات مذہب کے نام پر ووٹ حاصل کرنے کا کام کر تی ہیں ۔انہوں نے کہا کہ ببو پر وین نے پچھلے پانچ سا لوں میں نگر پا لیکا کی چیئر پر سن رہتے ہوئے کبھی کوئی شکایت کا مو قع نہیں دیا اور آج اسی کا نتیجہ ہے کہ شہر کا ہر طبقہ ان کے حق ووٹ کرنے کیلئے کاندھے سے کاندھا ملا کر کھڑا ہے ۔حا جی عمران نے دعوی کیا کہ اس مرتبہ پہلے سے زیادہ ووٹوں سے جیت حاصل ہوگی اور پھر ایک مرتبہ شہر میں تر قیاتی کاموں کی بہار آئے گی ۔حا جی ار اشادعرف بھولونے افتتا حی پروگرام میں آئے تمام لوگوں کو شکر یہ ادا کر تے ہوئے کہا کہ ان کی فتح یقینی ہے ،بس عوام کو چاہیے کہ افواہوں پر دھیان نہ دیں صرف اور صرف بی ایس پی کے انتخابی نشان ہاتھی پر مہر لگا کر ایک مرتبہ پھر خدمت کاموقع دیں ۔اس مو قع پر شہر کے ہر طبقہ کے لوگ موجود رہے ۔
