بیدر ، جے ڈی ایس حکومت کے اقتدار میں آتے ہی ہم خواتین کی سیلف ہیلپ سوسائٹیوں کے قرض معاف کر دیں گے۔ اس کے علاوہ، ہم ہر گھر کو سالانہ پانچ گیس سلنڈر مفت دیں گے۔ سابق وزیر، جے ڈی ایس لیجسلیچر پارٹی کے ڈپٹی لیڈر، جے ڈی ایس کور کمیٹی کے صدر، بیدر جنوب اسمبلی حلقہ کے ایم ایل اے اور جے ڈی ایس امیدوار بنڈپا قاسم پور نے مذکورہ بات بتاتے ہوئے ووٹروں سے اپیل کی کہ وہ جے ڈی ایس پارٹی کو ووٹ دیں۔ انہوں نے آگے کہا ’’ہم غریبوں، کسانوں اور مزدوروں کے لیے بہت سے منصوبے نافذ کریں گے۔ انہوں نے کہا کہ ہم نے اپنے منشور میں ان کے بارے میں آگاہ کردیاہے۔ہم نے اس جماعت کی مخالفت کے باوجود کسانوں کے قرضے معاف کیے جنہوں نے مخلوط حکومت کے دوران ہمارے ساتھ ہاتھ ملایا تھا۔ اس کے علاوہ ہم نے زرعی شعبے کو مزید گرانٹ دی ہیں۔ ہم نے کسانوں کے فائدے کے لیے کئی اسکیمیں نافذ کی ہیں۔ اس بار اقتدار میں آتے ہی ہم کسانوں کے بورویلوں کو 24/7 مسلسل بجلی فراہم کریں گے۔ شادی کرنے والی کسانوں کی لڑکیوں کو دو لاکھ روپے مراعات دیں گے۔ اس کے علاوہ ہم کسانوں کو زرعی اخراجات کے لیے دس ہزار روپے فی ایکڑ سالانہ سبسیڈی دیں گے۔ مختلف تنخواہوں میں اضافہ کیا جا رہا ہے۔ ایم ایل اے بنڈپا قاسم پور نے ان تمام سے جے ڈی ایس پارٹی کو ووٹ دینے کی اپیل کی۔۔ایم ایل اے بنڈپا نے پیر کی شام سری گرو گنگادھربھکا پربھو مندر، گرو دتیشور مندر، کرکنلی کے ملپا مہاراجہ مٹھ کا دورہ کیا اور انتخابی مہم چلائی۔ مہم کے دوران، انہوں نے کرکنلی، اُدمنلی، کرپاکپلی، پولاکپلی، بیمل کھیڑ، بھنگور، مارکنڈ سمیت مختلف دیہاتوں میں مندروں، درگاہوں اور گرجا گھروں کا دورہ کیا۔ عبادت کی اور مہاتما کے مجسموں اور تصاویر پر پھول چڑھائے۔ راج کمار بیرنلی جو بیمل کھیڑ میں بی جے پی پارٹی کے لیڈر تھے،وہ اور ان کی ٹیم اور گاؤں کے مختلف لیڈر جے ڈی ایس پارٹی میں شامل ہوئے۔ ایم ایل اے نے جے ڈی ایس کی شال پہنا کر پارٹی میںان کا خیرمقدم کیا ۔دریں اثناء ایم ایل اے بنڈپا قاسم پور نے مارکنڈ گاؤں میں نئے شروع ہونے والے جے ڈی ایس دفتر کا افتتاح کیا۔ بیمل کھیڑ کے جے ڈی ایس لیڈر جو بیمار تھے، ہنمنت راؤ کے گھر گئے اور ان کی مزاج پرسی کی۔ پوری مہم کے دوران پارٹی لیڈروں اور کارکنوں نے باجا بجاکر اور پٹاخے چھوڑ کر ایم ایل اے کا استقبال کیا۔اس بات کی اطلاع ایم ایل اے بنڈپاقاسم پور کے میڈیا کوآرڈی نیٹر آیینا نے دی ہے۔
