بلند شہر: نگر پا لیکا صدرعہدے کیلئے کانگریس پارٹی کے امیدوار شکیل احمد نے ہفتہ کو اپنے درجن بھر حامیوں کے سا تھ شہر کے مختلف علاقوں کا دورہ کر کے لوگوں سے قومی سیاسی پارٹی کانگریس کے حق میں ووٹ کرنے کی اپیل کی ۔اس مو قع پر شکیل احمد کا جگہ جگہ استقبال کیا گیا ،سا تھ ہیں شہرکے عوام نے انھیں اپنی بھر پور حمایت دینے کا بھی وعدہ کیا۔شکیل احمد نے لوگوں کو خطا ب کر تے ہوئے کہا کہ اس وقت پورے ملک میں افراتفری کا ما حول ہے اور چاروں طر ف خوف بکھراہواہے ۔انہوں نے کہا کہ اس وقت صر ف کانگریس ہی وہ پارٹی ہے جو بر سر اقتدار مرکزی حکومت کی غلط پالیسیوں کے خلاف آواز اٹھارہی ہے ۔باقی تمام سیاسی جماعتیں خوف کی وجہ سے خا مو شی اختیار کئے ہوئے ہیں ۔انہوں نے کہا کہ اس مر تبہ کانگریس پارٹی نے ان پر اعتما د جتا تے ہوئے لوگوں کے درمیان بھیجا ہے ،اب شہر کے لوگوں کی ذمہ داری ہے کہ وہ اس اعتماد کو کس حد تک بر قرار رکھنے میں کامیا ب ہوں گے ۔شکیل احمد نے کہا کہ بھلے ہی یہ چھوٹا الیکشن ہے لیکن چھوٹے الیکشن سے ہی آگے کی منز ل طے ہوگی ۔
