بالاسور،2جون ،: اڈیشہ کے بالاسور ضلع میں بہناگا ریلوے اسٹیشن کے قریب ایک ایکسپریس سپر فاسٹ ٹرین حادثے کا شکار ہوگئی۔ سرچ اینڈ ریسکیو آپریشن کے لیے ٹیمیں جائے وقوعہ پر روانہ ہو گئی ہیں۔ اس حادثہ میں 100لوگوں سے زائد کی موت ہوگئی جبکہ 900 زخمی ہوئے ہیں۔ لوگوں کو دروازے توڑ کر اور کٹر سے کاٹ کر باہر نکالا جارہا ہے ۔راحت اور بچائو کا کا م جاری ہے ،ابھی تک لوگوں کو اسپتال پہنچایا جاچکا ہے ۔کلکٹر، بالاسور کو بھی تمام ضروری انتظامات کرنے کے لیے موقع پر پہنچنے اور ریاستی سطح سے کسی اضافی مدد کی ضرورت پڑنے پر ایس آر سی کو مطلع کرنے کی ہدایت دی گئی ہے۔اطلاعات کے مطابق، کورومنڈیل سپرفاسٹ ایکسپریس ٹرین آج شام بالسور کے بہناگا علاقے میں ایک مال ٹرین سے ٹکرا گئی۔ اس کے بعد کورومنڈیل ایکسپریس کے کم از کم 8 ڈبے پٹری سے اتر گئے۔ حادثے کے بعد کئی مسافروں کے زخمی ہونے کا خدشہ ہے۔ مقامی حکام، پولیس اور ریلوے کی جانب سے امدادی کارروائیاں جنگی بنیادوں پر شروع کر دی گئی ہیں۔ معلوم ہوا ہے کہ کورومنڈیل سپر فاسٹ ایکسپریس ٹرین ہاوڑہ سے چنئی جارہی تھی۔ یہ ٹرین بالیشور سے شام 6:32 بجے روانہ ہوئی۔ اسے 7:30پر بھدرک ریلوے اسٹیشن پہنچنا تھا۔ لیکن راستے میں ٹرین حادثے کا شکار ہو گئی۔ایڈیشنل ڈی ایم ای ٹی نے کہا کہ ہم نے 15 ایمبولینسیں موقع پر روانہ کی ہیں۔ حادثے میں زخمی ہونے والے مریضوں کو سورو سی ایچ سی منتقل کرنا شروع کر دیا گیا ہے۔ ہم توقع کرتے ہیں کہ کچھ کو اعلیٰ سہولیات میں بھیج دیا جائے گا۔
