رضوان سلمانی
ٰدیوبند، 5؍ مئی،سماج نیوز سروس:خاتون پہلوانو ں کو انصاف دلانے کی غرض سے اعلان شدہ پروگرام کے مطابق بھارتیہ کسان یونین اورپچھمی پردیش مکتی مورچہ کے قومی صدر بھگت سنگھ ورما کی قیادت میں بڑے پیمانے پر مظاہرہ کیاگیا ۔ اس موقع پر کسانو ں ، مزدوروں اوردیگر افراد پر مشتمل ایک بڑی بھیڑ سے خطاب کرتے ہوئے بھگت سنگھ ورما نے کہا کہ انٹرنیشنل اولمپک کھیلوں میں اپنے ملک کے لئے میڈل جیت کر لانے والی خواتین پہلوانوں کے ساتھ مرکز کی بی جے پی حکومت انصاف نہیں کررہی ہے ۔ انہوں نے کہا کہ ہندوستان کا نام روشن کرنے والی پہلوانوں کو انصاف کے لئے قومی راجدھانی کے جنتر منتر پر بیٹھ کر ہڑتال او ر مظاہر ہ کرناپڑرہاہے ۔ اس سے زیا دہ شرم ناک بات کیا ہوسکتی ہے ؟ بھگت سنگھ ورما نے کہا کہ برج بھوشن کے جرائم پیشہ شخص ہے جس پر درجنوں جرائم سے متعلق مقدمات درج ہیں ۔ اسی لئے ایسے شخص کو پارلیمانی عہدہ تو کیا کوئی دوسرا عہدہ بھی نہیں دینا چاہئے ۔
انہوں نے کہا کہ ساکشی ملک ، ونیش فوگاٹ اوربجرنگ پونیا اس دیش کی شان ہیں ۔ اس لئے وزیر اعظم کو ان تینوں کی بات سن کر برج بھوشن شرن کو جیل بھیج دینا چاہئے ۔ تاکہ تینوں بیٹیوں کو انصاف مل سکے ۔ بھگت سنگھ ورما نے کہا کہ تینوں بیٹیوں کو انصاف ملنے تک ان کی تنظیم کی جانب سے تحریک جاری رکھی جائیگی۔میٹنگ کی صدارت حاجی ساجد نے کی اور نظامت کے فرائض ڈاکٹر اشوک ملک نے انجام دیا ۔ مظاہرین سے خطاب کرتے ہوئے تنظیم جنرل سکریٹری روندر چودھری گوجر نے کہا کہ خاتون پہلوان اس ملک کے ہندو مسلما ن اورسکھ و عیسائی کی بیٹیاں ہیں ۔اس لئے ان کو انصاف دلانے کے لئے تنظیم کسی حد تک بھی جاسکتی ہے۔
مظاہرین سے تنظیم کے قومی جنرل سکریٹری رضا خاں، حافظ مرتضی تیاگی ، پنڈت نیرج کپل ، دھیرج سنگھ چودھری ، سلیم اختر ، محمد ظہیر ترکی ، محمد مکرم پردھان ، چودھری بختاور سنگھ ، قاضی کلیم الرحمان ، بھوپیندرسنگھ ایڈوکیٹ اور محمد غیور عالم وغیرہ نے بھی خطاب کیا ۔اس مظاہر ہ میں حاجی کامل ، سریندر سنگھ ایڈوکیٹ ، دھرم پال جوشی ، دیویندر چودھری ، حاجی بدھو حسن ، منور ، لیاقت علی ، محمد فیاض ، محمد ولی اللہ ، روندر گل، سمت ورما ، نیرج سینی ، چودھری محمد کامل، محمد امجد ، محمد تسلیم تیاگی ، یا سین تیاگی ، سدھیر چودھری اور دلت لیڈر نفے سنگھ سمیت سیکڑوں لوگ شریک رہے۔
