موغادیشو، 10 جون : صومالیہ کے قوریولی قصبے کے قریب کھیل کے میدان میں جمعہ کو ایک پرانے بارودی مواد کے دھماکے سے کم از کم 27 بچے ہلاک اور 53 دیگر زخمی ہوگئے ، مقامی حکام نے واقعے کی تصدیق کی ہے ۔قوریولی شہر کے ڈپٹی ڈسٹرکٹ کمشنر عابدی احمد علی نے کہا کہ یہ واقعہ بم اور بارودی سرنگوں جیسے دھماکہ خیز مواد کے پھٹنے سے پیش آیا۔ انہوں نے بتایا کہ اس دوران گاؤں کے میدان میں کھیل رہے بچے دھماکے کی زد میں آ گئے ۔صومالیہ کی خبر رساں ایجنسی سوننا کے مطابق اس واقعے میں کم از کم 27 افراد ہلاک اور 53 دیگر زخمی ہوئے ہیں۔کمشنر نے فون پر بتایا کہ قوریولی اسپتال میں 22 لاشیں ملی ہیں جبکہ دو زخمی اسپتال لے جانے کے بعد دم توڑ گئے ۔ انہوں نے کہا کہ دارالحکومت موغادیشو میں ایک اور بچے کی اسپتال لے جاتے ہوئے راستے میں موت ہو گئی۔انہوں نے بتایا کہ بچوں کی عمریں 10 سے 15 سال کے درمیان ہیں۔اس دھماکے کی ذمہ داری الا شباب دہشت گرد تنظیم پر عائد کرنے والے مالابو نے بتایا کہ ہلاک شدگان بچوں میں سے 16 لڑکے اور 6 لڑکیاں ہیں۔اس واقع کے پیش آنے والے علاقے کا کنٹرول کرنے والی الا شباب نے اس بات کا دعوی کیا ہے کہ یہ دھماکہ صومالیہ میں افریقی یونین کے عبوری مشن کی طرف سے پھینکا گیا ایک دستی بم کے پھٹنے کا نتیجہ ہے ۔
