نئی دہلی،13؍جون،پریس ریلیز،ہماراسماج : بزنس اینڈ ایمپلائمنٹ بیورو( بی ای بی ) نے گریوٹی اور جامعہ ہمدرد کے تعاون سے نیٹ ( یو جی ) کی ایک سالہ کوچنگ کلاسس کی آخری تاریخ میں اضافہ کرتے ہوئے اسے ۱۷ جولائی تک بڑھا دیا ہے۔ بی ای بی کے ایگزکٹیو سکریٹری شوکت مفتی نے تفصیل سے بتایا کہ ہم نے اب تک جتنی کوچنگ ، ٹریننگ اور کورس کرائے ہیں ان میں سب سے اہم یہ کوچنگ ہے جو ایک سال تک جاری رہے گی۔ یہ آن لائن اور آف لائن کوچنگ ہوگی ۔ا س کوچنگ کا آغاز ۱۷ جولائی سے ہورہا ہے۔ کوچنگ کا وقت صبح ساڑھے آٹھ سے دوپہر ایک بجے تک ہوگا۔ انھوںنے بتایا کہ جن بچوں کے دسویں اور بارہویں میں فزکس، کیمسٹری اور بائیو لاجی پڑھی ہوگی وہ بچے اپلائی کرسکتے ہیں۔ اس کی رجسٹریشن فیس ۵۰۰ روپے ہے اور سالانہ فیس ۲۰ ہزار روپے ہوگی۔ انھوںنے کہاکہ یہی کوچنگ دوسرے ادارے لاکھوں روپے وصول کرکے کراتے ہیں لیکن ہمارے یہاں بہت معمولی سی فیس پر یہ ٹریننگ کرائی جائے گی۔ اس میں ملک کے ماہرین تعلیم کلاس لیںگے، طلبہ کو اسٹڈی مٹیریل بھی دیا جائے گا۔ رجسٹریشن فارم بی ای بی کے دفتر واقع جامعہ ہمدرد سے صبح گیارہ سے شام چار بجے تک حاصل کئے جاسکتے ہیں۔ انھوںنے بتایا کہ کلاسس جامعہ ہمدرد کے عالی شان کلاس رومز میں ہوں گی جہاں تمام تر جدید سہولیات موجود ہیں۔یہ اپنے آ پ میں ایک انوکھا ترجمہ ہے جس کی تیاریاں کر لی گئی ہیں، اس سے قبل بھی یہاں کئی روکشاپ منعقد کی جاچکی ہیں۔ ہماری کوشش ہے کہ جو بچے اس کورس میں دلچسپی رکھتے ہیں وہ پیسہ کی کمی کی وجہ سے پڑھائی نہ چھوڑیں، ان کے لیے ہم نے بہت آسان طریقہ شروع کردیا ہے۔ یہاں معمولی سی فیس پر آپ ڈاکٹر کی پڑھائی کر اپنے خوابوں کو شرمندہ تعبیر کرسکتے ہیں۔
