کلکتہ 10جولائی : پنچایت انتخابات کے دوران پرتشدد پولنگ کے بعد آج ریاست کے مختلف علاقوں میں ری پولنگ ہوئی ۔مگر ری پولنگ کے دوران عوام کا جوش و خروش غائب تھے اور پولنگ عملہ بھی تاخیر سے پہنچا تھا۔جب کہ 8جولائی کو پولنگ کے دوران بڑے پیمانے پر تشدد کے واقعات ہوئے تھے اور ایک رپور ٹ کے مطابق 17افراد کی موت ہوگئی تھی۔کئی علاقوں میں بیلٹ باکس لے کر بھاگتے ہوئے بھی دیکھا گیا تھا۔پولنگ عملہ صبح دیر سے پہنچنے کے باعث کئی مراکز پر پولنگ تاخیر سے شروع ہوئی۔ ریاستی الیکشن کمشنر راجیو سنہا آج بھی الیکشن کمیشن کے دفتر میں تاخیر سے پہنچے ۔ الیکشن کمیشن کے دفتر میں داخل ہونے پر انہوں نے صحافیوں کو بتایا کہ پولنگ پرامن طور پر جاری ہے ۔انہوں نے کہا کہ الیکشن کمیشن کے پاس کسی بڑی بدامنی کی کوئی خبر نہیں ہے ۔ اس کے بارے میں پوچھے جانے پر کئی الزامات سامنے آئے ہیں کہ کچھ ممبران اسمبلی کمیشن کے اصولوں کو نظر انداز کرتے ہوئے اپنے اپنے دائروں سے باہر گھوم رہے ہیں۔ تاہم ریاستی الیکشن کمشنر نے کہا کہ اس سلسلے میں کوئی شکایت درج نہیں کی گئی ہے ۔
تاہم کمیشن کے مطابق ریاست کے مختلف حصوں میں کئی بوتھوں پر ووٹنگ شروع ہونے میں کچھ تاخیر ہوئی ہے ۔ ذرائع کے مطابق پولنگ سٹیشن پر پولنگ ورکرز کی تاخیر سے پہنچنے کو وجہ بتائی گئی ہے ۔ الیکشن کمیشن نے صبح سات بجے متعلقہ اضلاع کے ضلع مجسٹریٹس کو ہدایت کی کہ پولنگ میں تاخیر کیوں ہو رہی ہے ۔ کمیشن کی جانب سے کارروائی شروع کرنے کے بعد بھی پولس کو کئی مقامات پر مائیک لگا کر ووٹروں کو پولنگ مراکز میں بلانا پڑا، جنوبی 24 پرگنہ کے مختلف حصوں میں سینئر پولیس افسران کی قیادت میں ایک بڑی پولیس فورس نے ووٹروں سے ووٹ کاسٹ کرنے کی اپیل کرنی پڑی۔ کمیشن کے ذرائع کے مطابق دوپہر ایک بجے تک ریاست بھر میں 30.54 فیصد ووٹ ڈالے گئے ہیں۔ریاستی الیکشن کمیشن مختلف اضلاع کو ہدایت دی تھی کہ جن بوتھ سے ملحقہ علاقوں میں دوبارہ انتخابات ہو رہے ہیں وہاں بڑی تعداد میں پولس اہلکار کو تعینات کیا جائے ۔ پولنگ سٹیشن سے ملحقہ علاقے میں کوئی باہر کا شخص داخل نہ ہو سکے ۔ ریاستی پولیس کے ساتھ مرکزی فورسز کو بھی رکھا جائے ۔ یہ ریاستی الیکشن کمیشن نے مختلف اضلاع کے پنچایت الیکشن افسروں کو ہدایت دی ہے ۔
ریاست کے 22 میں سے 19 اضلاع میں کل 696 بوتھ پردوبارہ پولنگ ہورہی ہے ۔ پولنگ صبح 7 بجے سے شام 5 بجے تک مرکزی فورسز کی مکمل نگرانی میں ہورہی ہے ۔ الیکشن کمیشن نے کہا کہ مرشدآباد ضلع میں سب سے زیادہ تعداد میں بوتھ پر دوبارہ پولنگ کرائی جارہی ہے ۔ اس کے بعد مالدہ میں سب سے دوبارہ پولنگ ہورہی ہے
