بچی کی چینی مانجھے سے موت ،شمال مشرقی پولس فروخت کرنے واالوں کیخلاف سخت
نئی دہلی، 20؍جولائی ،سماج نیوز سروس:پشچم وہار علاقے میں ایک آٹھ سالہ بچی کی چینی مانجھا سے موت ہو گئی ہے۔ موصولہ اطلاعات کے مطابق لڑکی کے گلے میں چینی دھاگہ پھنس گیا تھا۔ جس کے بعد لڑکی کو زخمی حالت میں اسپتال لے جایا گیا۔ جہاں ڈاکٹر نے لڑکی کو مردہ قرار دے دیا۔ چینی مانجھا پر پابندی ہے۔دہلی کے علاوہ ہر ریاست میں موسم اور تہوار کے مطابق پتنگ بازی کی جاتی ہے۔ لیکن دارالحکومت میں موسم گرما کے آغاز سے ہی پتنگ بازی شروع ہو جاتی ہے۔ پتنگ بازی کے دوران قوانین کی خلاف ورزی کرتے ہوئے لوگ چائنیز مانجھا استعمال کرتے ہیں۔ پابندی کے باوجود انتظامیہ اس طرف توجہ نہیں دیتی۔ اس کا خمیازہ پیدل چلنے والوں خصوصاً ٹو وہیلر ڈرائیوروں کو اٹھانا پڑتا ہے۔ چینی مانجھا کی زد میں آکر ہر سال درجنوں افراد زخمی ہوتے ہیں۔ انسان حتیٰ کہ پرندے بھی چینی مانجھے کا شکار ہیں۔ اب شمال مشرقی ضلع پولیس ان چینی مانجھوں کے خلاف کارروائی کرنے کی بات کر رہی ہے۔
نوٹ: پتنگ کا فائل فوٹو
