کلکتہ : ترنمول کانگریس کی ممبر پارلیمنٹ مہوا مترا نے بی جے پی کے ممبر پارلیمنٹ نشی کانت دوبے اور وکیل اننت دیہاڑی کے خلاف نوٹس بھیج کر معافی مانگنے کا مطالبہ کیا ہے ۔ان دونوں نے ترنمول کانگریس کے ممبر پارلیمنٹ مہوا موئترا پر الزام عائد کیا ہے کہ مہوا موترا دبئی میں مقیم تاجر سے روپے اور تحائف لئیے ہیں اور ان کے اشارے پر ہی ڈانی کے خلاف بیان دئیے ہیں ۔خیال رہے کہ اتوار کو بی جے پی کے رکن پارلیمنٹ نشی کانت دوبے نے لوک سبھا اسپیکر اوم برلا سے مہوا کو رکن پارلیمنٹ کے عہدے سے معطل کرنے کی اپیل کرتے ہوئے سنگین الزامات عائد کئے ہیں ۔ ایڈوکیٹ اننت دیہاڑی نے مہوا پر سنگین الزام عائد کرتے ہوئے سی بی آئی چیف کو خط لکھ کر تفتیش کرنے کی درخواست کی ہے ۔ دونوں نے الزام لگایا کہ مہوا نے تاجر درشن ہیرنندانی سے پیسے اور تحائف لے کر اڈانی گروپ کے خلاف بیان بازی کی اور وزیرا عظم مودی کو بدنام کرنے کی کوشش کی ۔اس الزامات کے بعد مہوا نے بھی نوٹس بھیج کر قانونی چارہ جوئی کا آغازر کردیا ہے ۔مہوا نے اتوار کی شام ایکس ہینڈل پر بیک وقت بی جے پی، اڈانی گروپ اور سی بی آئی کی سخت تنقید کی۔انہوں نے پوسٹ کی سیریز لکھی ہے ۔انہوں نے لکھاکہ اگر اڈانی گروپ نے مجھے خاموش کرنے یا مجھے نیچے دکھانے کے لیے سنگھیوں اور جعلی ڈگری ہولڈرز کے جعلی دستاویزات پر یقین کرنے کا فیصلہ کیا ہے ، تو میں کہتی ہوں، اپنا وقت ضائع نہ کریں، وکیلوں کو اچھا لگائیں۔ بی جے پی پر حملہ کرتے ہوئے مہوا نے لکھاکہ یہ تمام بوگس ڈگری ہولڈرز اور نام نہاد بی جے پی کے سٹالورٹس پر کئی مراعات کی مبینہ خلاف ورزی کے الزام میں مقدمہ چلنا باقی ہے ۔ آپ میرے خلاف پارلیمنٹ میں کوئی بھی تحریک لا سکتے ہیں۔ لیکن میں امید کرتی ہوں کہ اس سے پہلے معزز اسپیکر زیر التوا شکایات کو حل کریں ۔وہ میرے خلاف منی لانڈرنگ کی انکوائری دائر کر سکتے ہیں۔ لیکن اس سے پہلے انہیں یہ معلوم کرنا ہوگا کہ اڈانی کا سارا پیسہ چالان اور بے نامی کھاتوں کے ذریعے سمندر پار کیسے پہنچ رہا ہے ۔پیر کو ایک قانونی خط میں مہوا نے بی جے پی کے رکن پارلیمنٹ نشی کانت اور وکیل دیہادری کے الزامات کو غلط بتایا ۔خط میں مہوا کے وکیل سمندر سارنگی نے فیس بک، ایکس، یوٹیوب، گوگل کے علاوہ مختلف میڈیا کے نام لکھے ہیں۔ مہوا کا دعویٰ ہے کہ ماضی میں ان کا پارلیمنٹ میں نشی کانت کے ساتھ مختلف مواقع میں جھگڑے ہوچکے ہیں ۔انہوں نے دعویٰ کیا کہ 2021 میں نشی کانتا نے مہوا کے پارلیمانی عہدے سے برخاست کرنے کا مطالبہ اٹھایا تھا۔ حقوق کی خلاف ورزی کی شکایت لے کر آئے ۔ وکیل نے دعویٰ کیا کہ اس کے پیچھے وجہ یہ تھی کہ مہوا نے لوک سبھا انتخابات کے دوران جھارکھنڈ کے گوڈا حلقہ سے رکن پارلیمنٹ نشی کانت کے ذریعہ پیش کردہ حلف نامہ میں درج تعلیمی قابلیت پر سوال اٹھایا تھا۔وکیل دیہادری مہوا پر مزید سنگین الزامات لگائے ہیں۔ قانونی خط کے مطابق دیہادری اور مہوا گہرے دوست ہیں۔
کئی برسوں کی قربت چند روز قبل ذاتی وجوہات کی بناء پر منقطع ہوگئی تھی۔ تب سے دیہاڑی انتقامی ہو گیا۔ وہ مہوا کو بار بار دھمکی دیتا تھا۔ نفرت انگیز، گندے ، فحش پیغامات بھیجتے رہیں۔ یہ الزام بھی لگایا گیا ہے کہ دیہادری دہلی میں واقع مہواکے بنگلے میں ان کے علم کے بغیر گھس گئے اور بہت سے ذاتی سامان چرا کر لے گئے ہیں ۔ اتنا ہی نہیں، دیہاڑی مبینہ طور پر مہوا کے پالتو کتے کو بھی لے گئے ہیں ۔ حالانکہ بعد میں اسے مہوا واپس کر دیا گیا تھا۔ 25 مارچ اور 23 ستمبر کو مہوا کی طرف سے دہلی کے بارہ کھمبا روڈ پولیس اسٹیشن میں دو شکایتیں درج کروائی گئیں کیونکہ دیہادری بار بار مہوا کو بتائے بغیر اس کے گھر میں داخل ہوتا تھا۔
یہ بھی الزام ہے کہ بعد میں دیہاڑی نے مہوا کے ساتھ صلح کرنے کی کوشش کی۔ اس کے بعد 4 اکتوبر کو مہوا نے بارکھمبا پولیس اسٹیشن کو خط لکھ کر دو پرانی شکایتوں کو واپس لینے کی اطلاع دی۔ ترنمول کانگریس کے ممبر پارلیمنٹ کے وکیل نے الزام لگایا کہ دیہادری شکایت واپس لینے کے بعد بھی مہوا کے بارے میں مختلف باتیں دہراتے رہے ۔ اس کے بعد یہ دعویٰ کیا جا رہا ہے کہ دیہادری نے گزشتہ ہفتہ سی بی آئی کو خط لکھ کر مختلف جھوٹے الزامات لگائے ہیں ۔گزشتہ دنوں مہوا کی کچھ تصویریں سوشل میڈیا پر وائرل ہوئی ہیں۔ اس کے سیاق و سباق کا قانونی خط میں بھی ذکر ہے ۔ مہوا نے دعویٰ کیا ہے کہ انہوں نے اپنے دوست وکیل اے ایس ناڈکرنی کی سالگرہ کے عشائیے میں شرکت کی تھی۔ وہاں لی گئی ان کی کچھ ذاتی تصاویر بی جے پی کے اراکین نے گزشتہ ہفتہ کو ایکس ہینڈل پر پوسٹ کردیا ہے ۔ مہوا نے دعوی کیا کہ وکیل دیہادری بھی اس تصویر میں کانگریس ایم پی ششی تھرور کے ساتھ تھے ۔ تاہم، دیہادری نے خود کو شائع شدہ تصویر سے الگ رکھا۔ مہوا نے دعویٰ کیا کہ ان تصویروں کو عوام کے سامنے لانے میں بی جے پی ایم پی نشی کانت بھی شامل ہے ۔
