غازی آباد۔
اسرائیل اور حماس کے درمیان جنگ جاری ہے۔ جنگ کے دوران دنیا کے کئی ممالک نے غزہ کے لوگوں کے لیے امدادی سامان بھیجنے کی اپیل کی تھی۔ اس کے بعد اب ہندوستان نے فلسطین کے لوگوں کے لیے مدد بھیجی ہے۔
فلسطین کے لوگوں کے لیے تقریباً 6.5 ٹن طبی امداد اور 32 ٹن آفات سے متعلق امدادی سامان لے کر آئی اے ایف کی ایک C-17 پرواز غازی آباد کے ہنڈن ایئر بیس سے مصر کے العریش ہوائی اڈے کے لیے روانہ ہوئی ہے۔ اس مواد میں زندگی بچانے والی ضروری ادویات، جراحی کا سامان، خیمے، سلیپنگ بیگ، ترپال، صفائی کی سہولیات، پانی صاف کرنے کی گولیاں اور دیگر ضروری اشیاء شامل ہیں۔
