نئی دہلی 16نومبر،سماج نیوز سروس: مرکزی وزیر زراعت نریندر سنگھ تومر کے بیٹے دیویندر سنگھ تومر کی مسلسل دوسری مبینہ ویڈیو سوشل میڈیا پر منظر عام پر آنے کے بعدہزاروں کانگریس کارکنوں نے دہلی پردیش کانگریس کمیٹی کی طرف سے مرکزی وزیر کے خلاف احتجاج کیا۔ وزیر کے عہدے سے نریندر سنگھ تومر کے فوری استعفیٰ اور دیویندر سنگھ تومر کی گرفتاری کا مطالبہ کرتے ہوئے ای ڈی ہیڈکوارٹر پرمظاہرہ کیا گیا۔ 10,000 کروڑ روپے کے بدعنوانی کے معاملے میں ای ڈی/سی بی آئی کی خاموشی اور بدعنوانی سے پاک ماحول فراہم کرنے کا دعویٰ کرنے والے وزیر اعظم مودی جی کی خاموشی نے ثابت کر دیا ہے کہ بدعنوان بی جے پی کی حکمرانی میں جمہوریت کا ہر طرف سے قتل کیا جا رہا ہے۔ مظاہرین میں سابق وزیر ہارون یوسف، راج کمار چوہان، منگاترام سنگھل، ڈاکٹر نریندر ناتھ، کرن والیا، سابق رکن پارلیمنٹ رمیش کمار، سابق ایم ایل اے امریش گوتم، وجے ، بھیشم شرما، ہری شنکر گپتا، آصف محمد خان، ویر سنگھ ، سریندر کمار، شیش پال، جتیندر کمار کوچر، برہم یادو، چتر سنگھ، اوم پرکاش بیدھوری، ضلع صدر راجیش چوہان، وشنو اگروال، ستبیر شرما، دنیش کمار، منوج یادو، گروچرن سنگھ، دھرمپال چنڈیلا، کارپوریشن کونسلر اریبا خان، حاجی ظریف، حاجی سمیر منصوری وریام کور، جگ جیون شرما، پرمیندر شرما، جے کرن چودھری، راجیو شرما، دہلی سیوا دل کے چیف آرگنائزر سنیل کمار، ہری کشن جندال، محمد عثمان، جگ پرویش کمار، کملکانت شرما، پشپا سنگھ، ایشور باگڑی، عبدالواحد۔ قریشی، انوج اتریہ، ہرنام سنگھ، سابق کونسلر راجیو ورما، محبوب گرگجانی اور سیوا دل، مہیلا کانگریس، یوتھ کانگریس اور این ایس یو آئی کے کارکنان بھی بڑی تعداد میں موجود تھے۔ کانگریس کارکنان نے پلے کارڈ اٹھا رکھے تھے اور نعرے لگا رہے تھے جیسے نریندر تومر کے بیٹے کے گھوٹالے سے اپنا چہرہ مت چھپانا، ہزاروں کروڑ کے گھوٹالے کا قصوروار ای ڈی اور سی بی آئی سے تحقیقات کروائیں، ای ڈی اور سی بی آئی خاموش کیوں ہیں وغیرہ۔ ارویندر سنگھ لولی نے کہا کہ دیویندر سنگھ تومر ویڈیو کال پر 500 کروڑ روپے کے سودے پر ایک شخص سے بات کر رہے ہیں اور ای ڈی اور سی بی آئی اس کی تحقیقات کرنے کے بجائے اس بڑی بدعنوانی پر خاموشی اختیار کیے ہوئے ہے۔ انہوں نے کہا کہ تومر تین مرکزی وزراء میں سے ایک ہیں جنہیں بی جے پی ہائی کمان نے اسمبلی انتخابات میں میدان میں اتارا ہے۔ انتخابات کے دوران کئے گئے کروڑوں روپے کے سودوں نے بی جے پی میں کافی بدعنوانی کو بے نقاب کیا ہے۔ انہوں نے کہا کہ ویڈیو کال میں دیویندر مبینہ طور پر بالترتیب 100 کروڑ، 18 کروڑ اور 21 کروڑ روپے کے مالیاتی سودوں کی بات کر رہے تھے۔
