کجریوال مہم کے سلسلے میں پارٹی ہیڈکوارٹر میں میٹنگ

نئی دہلی، 13 دسمبر،سماج نیوز سروس: دہلی میں عام آدمی پارٹی کی طرف سے چلائی جا رہی ‘میں بھی کیجریوال’ دستخطی مہم کے سلسلے میں بدھ کو شمال مشرقی لوک سبھا اور چاندنی چوک لوک سبھا سیٹوں کے عہدیداروں اور کارکنوں کی ایک اہم میٹنگ پارٹی ہیڈکوارٹر میں بلائی گئی۔ قومی تنظیم کے جنرل سکریٹری اور راجیہ سبھا ممبر پارلیمنٹ ڈاکٹر سندیپ پاٹھک اورقومی سکریٹری پنکج گپتا نے میٹنگ کی صدارت کی۔ ریاستی نائب صدر اور ایم ایل اے رتوراج جھا، ریاستی نائب صدر اور ایم ایل اے راجیش گپتا، ریاستی نائب صدر اور ایم ایل اے کلدیپ کمار اور ریاستی نائب صدر اور ایم ایل اے گلاب سنگھ یادو نے بھی میٹنگ میں شرکت کی۔ قومی تنظیم کے جنرل سکریٹری ڈاکٹر سندیپ پاٹھک نے کہا کہ ہم سب لوگوں کو مل کر کام کرنا ہوگا۔ اس مہم کے تحت دہلی کا ایک بھی گھر چھٹنا نہیں چاہیے۔ ہمیں ہر گھر میں جا کر لوگوں کی رائے اکھٹی کرنی ہے۔ ہمیں دہلی کے لوگوں کو مودی حکومت کی آمریت کے بارے میں بتانا ہے۔ ہمیں لوگوں کو بتانا ہے کہ منیش سسودیا، ستیندر جین اور سنجے سنگھ کو جیل میں ڈالنے کے بعد اب مودی حکومت دہلی کے بیٹے اروند کیجریوال کو جیل میں ڈالنے کی سازش کر رہی ہے۔قومی تنظیم کے جنرل سکریٹری ڈاکٹر سندیپ پاٹھک نے مزید کہا کہ ہمیں عوام کو بتانا ہے کہ مودی حکومت کس طرح عام آدمی پارٹی کو تباہ کرنے کی سازش کر رہی ہے۔ مودی حکومت کی طرف سے کی جا رہی کارروائی سے اب یہ واضح ہو گیا ہے کہ وہ دہلی کے وزیر اعلی اروند کیجریوال کو جیل میں ڈالنا چاہتے ہیں۔ جیل میں ڈالنے کے پیچھے واحد مقصد پارٹی کو توڑنا ہے۔ کیجریوال جی کو جیل میں ڈالنے کے فوراً بعد بی جے پی ہماری پارٹی کو توڑنے کا عمل شروع کر دے گی۔ پارٹی بنانا ایک چیز ہے، پارٹی چلانا دوسری بات ہے لیکن پارٹی کو زندہ رکھنا سب سے بڑی چیز ہے۔ مودی حکومت عام آدمی پارٹی کو توڑنے کا منصوبہ بنا رہی ہے۔ لیکن ہمیں پارٹی کو بچانا ہے۔ ہمیں مودی سرکار کی سازش کو ناکام بنانے کے لیے ثابت قدم رہنا ہوگا۔ ہمیں کسی بھی حالت میں پیچھے نہیں ہٹنا چاہیے۔