نئی دہلی 20دسمبر، پریس ریلیز،ہماراسماج: دہلی اسٹیٹ حج کمیٹی کی چیئرپرسن کوثر جہاں کی طرف سے جاری پریس ریلیز کے مطابق، حج کمیٹی آف انڈیا کے سرکولر، 20 دسمبر 2023 کے مطابق حج 2024 کے لیے درخواست فارم جمع کرانے کی تاریخ میں 15 جنوری 2024 تک توسیع کے بعد اب دہلی اسٹیٹ حج کمیٹی کا حج ہیلپ سنٹر فارم بھرنے اور خواہشمند امیدواروں کو بروقت پاسپورٹ فراہم کرنے کے لیے 15 جنوری تک کھلا رہے گا۔ انہوں نے دہلی سے حج کرنے کے خواہشمند امیدواروں سے درخواست کی ہے کہ حج امیدواروں کے لیے تمام قسم کی لازمی خدمات دفتری اوقات میں پہلے کی طرح ترکمان گیٹ پر واقع حج منزل میں جاری رہیں گی۔اس سلسلے میں دہلی اسٹیٹ حج کمیٹی کے ایگزیکٹیو آفیسر اشفاق احمد عارفی کی طرف سے دی گئی معلومات کے مطابق حج درخواست دہندگان کے لیے مشین ریڈ ایبل پاسپورٹ ہونا لازمی ہے جو فارم بھرنے کی آخری تاریخ کو یا اس سے پہلے جاری ہو اور جس کی میعاد کم از کم 31 جنوری 2025 تک ہونی چاہیے۔ آن لائن حج درخواست فارم بھرنے کے لیے پاسپورٹ سائز فوٹو، آدھار کارڈ، کورونا ویکسین کی دو خوراکوں کا سرٹیفکیٹ اور گروپ لیڈر کے بینک اکاؤنٹ کا کینسل شدہ چیک ہونا بھی ضروری ہے۔ ایک گروپ میں زیادہ سے زیادہ 5 امیدوار ہی درخواست دے سکتے ہیں۔ اس کے علاوہ، گزشتہ سالوں کی طرح، 45 سال سے زیادہ عمر کی خواتین بغیر محرم کے اکیلے درخواست دینے کی اہل ہوں گی۔ اس سلسلے میں مزید معلومات کے لیے دہلی اسٹیٹ حج کمیٹی کے دفتر سے فون نمبر 011-23230507 پر پیر سے جمعہ صبح 10 بجے سے شام 5 بجے تک رابطہ کیا جاسکتا ہے۔واضح رہے کہ دہلی اسٹیٹ حج کمیٹی میں 4 دسمبر 2023 سے 20 دسمبر 2023 تک آن لائن بھرے گئے حج فارموں کی کل تعداد 1710 ہے، جس میں محرم کے بغیر خواتین کی تعداد 43، مخصوص زمرہ میں 70 سال سے زیادہ کے درخواست دہندگان کی تعداد61ہے، جبکہ عام زمرہ میںدرخواست دینے والے امیدواروں کی تعداد 1606 ہے۔
