’من کی بات‘ میں وزیر اعظم نے بتائی 108ویں قسط کی اہمیت
مالا میں 108موتی،108بار جاپ، 108دیو استھل، مندروں میں 108سیڑھیاں، 108گھنٹیاں، یہ نمبر 108بے پناہ عقیدت سے وابستہ ہے
نریندر مودی نے مزید فرمایا
یہ ہمارے مشترکہ سفر کی 108ویں کڑی ہے
نوجوانوں کو ترقی یافتہ ہندوستان کے لئے "فٹ” رہنا چاہئے
ہندوستان ترقی ہافتہ ہو گا تو نوجوانوں کو سب سے زیادہ فائدہ ہوگا
جو ملک اختراع کو اہمیت نہیں دیتا وہ ترقی کی راہ پر آگے نہیں بڑھ سکتا
"2015 میں ہم گلوبل انوویشن انڈیکس میں 81ویں نمبر پر تھے ۔ آج ہمارا رینک 40ہے
نئی دہلی، 31 دسمبر (یو این آئی) وزیر اعظم نریندر مودی نے ہم وطنوں کو 2024 کی مبارکباد دیتے ہوئے آج ‘من کی بات’ کے 108 ویں ایپی سوڈ کے موقع پر 108 نمبر کی اہمیت کوسمجھایا اور کہا کہ یہ مطالعہ کا موضوع ہے۔آل انڈیا ریڈیو کے ذریعے اپنے ماہانہ پروگرام ‘من کی بات’ کے 108ویں ایپی سوڈ کی نشریات کے دوران، مسٹرمودی نے ہم وطنوں کو سال 2024 کی مبارکباد دی اور کہا کہ وہ 108ویں ایپی سوڈ میں لوگوں سے جڑ کر بہت خوش ہیں۔انہوں نے ‘من کی بات’ کی 108ویں قسط کے ٹیلی کاسٹ کے موقع پر نمبر 108 کی اہمیت بتاتے ہوئے کہا، "یہ ہمارے مشترکہ سفر کی 108ویں کڑی ہے ۔ ہمارے لیے نمبر 108 کی اہمیت اور اس کا تقدس گہرے مطالعہ کا موضوع ہے ۔ مالا میں 108موتی، 108 بار جاپ، 108 دیو استھل، مندروں میں 108 سیڑھیاں، 108 گھنٹیاں، یہ نمبر 108 بے پناہ عقیدت سے وابستہ ہے ۔ اس لیے ‘من کی بات’ کی 108ویں قسط میرے لیے اور بھی خاص ہو گئی ہے ۔ ان 108 اقساط میں ہم نے عوامی شرکت کی بہت سی مثالیں دیکھی ہیں اور ان سے تحریک لی ہے ۔اس موقع پر، انہوں نے ہم وطنوں کو سال 2024 کی مبارکباد دیتے ہوئے کہا، "‘من کی بات’ یعنی آپ سے ملنے کا ایک اچھا موقع اور جب آپ اپنے گھر والوں سے ملتے ہیں، تو کتنی خوشی اور اطمینان محسوس کرتے ہیں۔ ‘من کی بات’۔ میں آپ سے ملاقات کے بعد یہی محسوس کر رہا ہوں اور بلاشبہ اب اس مقام پر پہنچ کر ہمیں نئے ولولے ، نئی توانائی کے ساتھ، تیز رفتاری کے ساتھ آگے بڑھنے کا عزم کرنا ہے ۔ یہ کتنا خوش کن اتفاق ہے کہ کل کا سورج 2024 کا پہلا طلوع آفتاب ہوگا- ہم سال 2024 میں داخل ہو چکے ہوں گے۔ آپ سب کو 2024 کے لیے نیک خواہشات۔ وزیر اعظم نریندر مودی نے طرز زندگی سے متعلق بڑھتی ہوئی بیماریوں پر تشویش کا اظہار کرتے ہوئے اتوار کو کہا کہ نوجوانوں کو ترقی یافتہ ہندوستان کے لئے فٹ” رہنا چاہئے ۔آل انڈیا ریڈیو پر اپنے ماہانہ ریڈیو پروگرام من کی بات کے 108ویں ایپی سوڈ میں قوم سے خطاب کرتے ہوئے مسٹر مودی نے کہا کہ ہندوستان کے بارے میں ہر طرف امید اور جوش ہے ۔ یہ امید اور توقع بہت اچھی ہے ۔ جب ہندوستان ترقی ہافتہ ہو گا تو نوجوانوں کو سب سے زیادہ فائدہ ہوگا، لیکن نوجوانوں کو اس کا زیادہ فائدہ اسی وقت ملے گا جب وہ فٹ ہوں گے ۔ انہوں نے کہا کہ طرز زندگی کی بیماریاں نوجوانوں کے لیے زیادہ تشویش کا باعث ہیں۔مسٹر مودی نے کہا کہ ہندوستان کی کوششوں کی وجہ سے 2023 کو جوار کے قومی سال کے طور پر منایا گیا۔ اس سے اس شعبے میں کام کرنے والے اسٹارٹ اپس کو بہت سارے مواقع ملے ۔ انہوں نے لکھنؤ کے ‘کیرو فوڈس’، پریاگ راج کے گرینڈ ما ملیٹس اور نیوٹراسیوٹیکل رچ آرگینک انڈیا اور ایبوریل ہیلتھ فوڈ کا حوالہ دیتے ہوئے کہا کہ نوجوانوں نے صحت مند کھانے کی اشیاء کے بہت سے اختیارات پیش کیے ہیں۔وزیراعظم نے کہا کہ ملک میں فٹ رہنے کے حوالے سے آگاہی بڑھ رہی ہے اور اس سلسلے میں ٹرینرز کی بھی مانگ ہے
۔ دماغی صحت کے بارے میں بات کرتے ہوئے وزیر اعظم نے سدگرو جگی واسودیو، معروف کرکٹ کھلاڑی ہرمن پریت کور، گرینڈ ماسٹر وشواناتھن آنند، فلم اداکار اکشے کمار اور اسٹارٹ اپ کے بانی رشبھ ملہوترا کے پیغامات سنائے اور کہا کہ ہر کسی کا ایک منتر صحت مند اور فٹ رہیں۔اختراع کو اہم قرار دیتے ہوئے وزیر اعظم نریندر مودی نے آج ہم وطنوں کو نئے سال کی مبارکباد دی اور کہا کہ جو ملک اختراع کو اہمیت نہیں دیتا وہ ترقی کی راہ پر آگے نہیں بڑھ سکتا۔آل انڈیا ریڈیو پر نشر ہونے والے ‘من کی بات’ پروگرام کے 108ویں ایپی سوڈ میں مسٹر مودی نے آج کہا کہ جو ملک اختراع کو اہمیت نہیں دیتا اس کی ترقی رک جاتی ہے ۔ ہندوستان کا اختراعی مرکز بننا اس حقیقت کی علامت ہے کہ ہم رکنے والے نہیں ہیں۔”انہوں نے کہاکہ 2015 میں ہم گلوبل انوویشن انڈیکس میں 81 ویں نمبر پر تھے ۔ آج ہمارا رینک 40 ہے ۔ اس سال ہندوستان میں دائر پیٹنٹ کی تعداد زیادہ رہی ہے ، جن میں سے تقریباً 60 فیصد گھریلو فنڈز سے ہیں۔”انہوں نے کہاکہ ‘اس بار سب سے زیادہ ہندوستانی یونیورسٹیوں کو کیو ایس ایشیا یونیورسٹی رینکنگ میں شامل کیا گیا ہے ۔ اگر ہم ان کامیابیوں کی فہرست بنانا شروع کریں گے تو یہ کبھی مکمل نہیں ہوں گی۔ یہ صرف اس بات کی ایک جھلک ہے کہ ہندوستان کی صلاحیت کتنی متاثر کن ہے – ہمیں ملک کی ان کامیابیوں، ملک کے لوگوں کی ان کامیابیوں سے تحریک لیں، فخر کریں، نئے عزم کریں۔ میں ایک بار پھر آپ سب کو 2024 کے لیے نیک خواہشات پیش کرتا ہوں۔
