گاندھی نگر ، (یو این آئی) وزیر اعظم نریندر مودی نے گاندھی نگر کے مہاتما مندر میں وائبرینٹ گجرات گلوبل سمٹ 2024 کے 10ویں ایڈیشن کا آ ج افتتاح کیا۔ اس سال کے سربراہی اجلاس کا موضوع ‘گیٹ وے ٹو دی فیوچر’ ہے اور اس میں 34ساجھیدار ممالک اور 16 ساجھیدار تنظیموں کی شرکت شامل ہے ۔ شمال مشرقی خطوں کی ترقی سے متعلق وزارت کی طرف سے اس سمٹ کو شمال مشرقی علاقوں میں سرمایہ کاری کے مواقع کی نمائش کے لیے ایک پلیٹ فارم کے طور پر بھی استعمال کیا جا رہا ہے ۔اس موقع پر انڈسٹری کی متعدد اہم شخصیات نے خطاب کیا۔ آرسیلر متل کے چیئرمین لکشمی متل، سوزوکی موٹر کارپوریشن جاپان کے صدر مسٹر توشی ہیرو سوزوکی، ریلائنس گروپ کے مسٹر مکیش امبانی، مائیکرون ٹیکنالوجیز، یو ایس اے کے سی ای او مسٹر سنجے مہروترا، ا ڈانی گروپ کے چیئرمین گوتم اڈانی، سی ای او سمٹیک، جنوبی کوریامسٹر جیفری چن، ٹاٹا سنز لمیٹڈ کے چیئرمین این چندر شیکھرن، ، ڈی پی ورلڈ کے چیئرمین مسٹر سلطان احمد بن سلیم، سینئر وی پی نیوڈیا شنکر ترویدی اور زیرودھا کے بانی اور سی ای او نکھل کامت نے اجتماع سے خطاب کیا اور اپنے کاروباری منصوبوں کے بارے میں واقف کرایا کیا۔ ان تمام تاجر رہنمائوں نے وزیراعظم کے وژن کی تعریف کی۔ جاپان کے نائب وزیر برائے بین الاقوامی امور مسٹر شن ہوساکا ، سعودی عرب کے معاون وزیر برائے سرمایہ کاری مسٹر ابراہیم یوسف المبارک، افریقہ کے وزیر مملکت برائے مشرق وسطی مسٹر طارق احمد ، شمالی افریقہ، جنوبی ایشیا، دولت مشترکہ اور اقوام متحدہ، برطانیہ کے وزیر برائے اقتصادیات مسٹر واہن کیروبیان،، آرمینیا کے وزیر برائے اقتصادی امور اور انفارمیشن ٹیکنالوجی مسٹر ٹیٹ ریسالو، مراکش کے وزیر برائے صنعت و تجارت مسٹر ریاض میزور ، نیپال کے وزیر خزانہ مسٹر پرکاش شرن مہات، ویتنام کے نائب وزیر اعظم مسٹر ٹران لو کوانگ ، جمہوریہ چیک کے وزیر اعظم پیٹر فیالا اور موزمبیق کے صدر مسٹر فلپ نیوسی، تیمور لیستے کے صدر مسٹر ہوزے راموس ہورٹا نے بھی وائبرینٹ گجرات گلوبل سمٹ سے خطاب کیا۔ متحدہ عرب امارات کے صدر اور ابوظہبی کے حکمران شیخ محمد بن زید النہیان نے بھی سمٹ کے افتتاحی اجلاس کو خطاب کیا۔اجتماع سے خطاب کرتے ہوئے وزیر اعظم نریندر مودی نے سال 2024 کے لیے اپنی مبارکباد پیش کرتے ہوئے تقریب کا آغاز کیا۔ انہوں نے 2047 تک ہندوستان کو ‘ ترقی یافتہ ‘ ملک بنانے کے اپنے عہد کا اعادہ کیا اورآئندہ 25 برسوں کو ملک کا ‘امرت کال’ قرار دیتے ہوئے انہوں نے کہا یہ نئے خوابوں، نئے عزم اور مسلسل کامیابیوں کا وقت ہے ” ۔ انہوں نے ‘امرت کال’ کی پہلی متحرک گجرات سمٹ کی اہمیت کا ذکر کیا۔
