نئی دہلی، سماج نیوز سروس: ہندوستان کے وزیر اعظم نریندر مودی، اجمیر شریف میں خواجہ معین الدین چشتی کے عظیم الشان عرس کی تقریبات کے موقع پر، خواجہ غریب نواز کی شان میں خراج عقیدت پیش کرنے کے لیے، بی جے پی اقلیتی مورچہ کی نمائندگی میں مسلم کمیونٹی کے ایک خصوصی وفد کو اپنی طرف سے چادر سپرد کی۔ اس موقع پر مرکزی اقلیتی وزیر محترمہ اسمرتی ایرانی، دہلی اسٹیٹ حج کمیٹی کی چیئرپرسن محترمہ کوثر جہاں،حاجی سید سلمان چشتی گدی نشین، حاجی سید محمد اشرف کیچاوائی، فرید احمد نظامی، منظور الحق صب- (جاوید قطبی)، چشتی ناصرالدین صاحب، حاجی سید محمد اشرف کچاوی، چشتی نصیرالدین،مولانا کلب رشید سید رضوی، مولوی محمد نورانی نقشبندی، پیارے ضیا خان آکسیجن مین آف انڈیا، حسین آغا صاحب۔ مسٹر. کوثر حسن، پروفیسر طارق منصور اور مسٹر۔ جمال صدیقی ، اور دیگر معززین بھی موجود تھے۔اس موقع پر مسلم کمیونٹی کے نمائندوں سے خصوصی ملاقات کے دوران اقلیتی امور سے متعلق مختلف موضوعات پر بھی تبادلہ خیال کیا گیا۔ وزیر اعظم نریندر مودی کی جانب سے ایک خصوصی وفدکے ذریعہ خواجہ غریب نواز حضرت معین الدین چشتی کی درگاہ پر چادر چڑھائی جائے گی اور ملک میں خوشی، امن و سلامتی، ترقی اور باہمی اخوت و ہمہ آہنگی کے لیے دعائیں بھی کی جائیں گی۔ وزیر اعظم نریندر مودی نے آج دوپہر 1 بجے 7 لوک کلیان مارگ پر اقلیتی امور کی وزیر محترمہ اسمرتی زوبن ایرانی کی موجودگی میں مسلم کمیونٹی کے ایک وفد سے ملاقات کی اور مقدس چادر پیش کی۔اجمیر شریف درگاہ پر خواجہ معین الدین چشتی کا عرس اتحاد، امن اور صوفی روایات کے احترام کی علامت ہے۔ دہلی حج کمیٹی کی چیئرپرسن کوثر جہاں نے وزیر اعظم نریندر مودی کی تعریف کرتے ہوئے کہا کہ انہوں نے حج سے متعلق بھی معلومات حاصل کی اور دہلی اسٹیٹ حج کمیٹی کے ذریعے کرائے جارہے کاموں کی بھی تعریف کی۔
