امپھال: /سماج نیوز سروس ۔منی پور میں پولیس افسر کے قتل کے معاملے میں پولیس نے بڑی کارروائی کی ہے۔ پولیس نے اس قتل کیس میں بی جے پی کے ایک لیڈر اور سابق فوجی کو گرفتار کیا ہے۔ملزم کو سرحدی علاقہ موڑ سے پکڑا گیا ہے۔ گرفتار ملزم کی شناخت 36 سالہ ہیم کھولال کے طور پر ہوئی ہے۔ وہ بی جے پی کی ٹینگنوپل یونٹ کے خزانچی ہیں۔ پولیس نے بتایا کہ ریاستی فورسز کی ایک مشترکہ ٹیم نے پیر کی رات میٹ اور اس جرم کے مرکزی ملزم فلپ کھائی کھولال کھونگسائی کو گرفتار کیا جو ایک سابق ہندوستانی فوجی سپاہی اور ساتھ ہی مورہ یوتھ کلب کے صدر ہیں۔ پولیس کی کارروائی کے بعد ریاستی بی جے پی کے سینئر نائب صدر این۔ نمبس سنگھ نے کہا کہ پارٹی ایگزیکٹو نے کھولال کو گرفتاری کے فوراً بعد اپنی ہنگامی میٹنگ میں پارٹی سے نکال دیا۔ تینگنوپال ضلع کے مورہ کے سب ریجنل پولیس آفیسر آنند کمار کو گزشتہ سال 31 اکتوبر کو ایسٹرن شائن گراؤنڈ میں ڈیوٹی کے دوران ایک سنائپر نے گولی مار کر ہلاک کر دیا تھا۔
