دہرادون، 29 مارچ (یو این آئی) اتراکھنڈ پردیش کانگریس کمیٹی نے جمعہ کو ٹہری پارلیمانی حلقہ کی بھارتیہ جنتا پارٹی کی امیدوار مالا راج لکشمی پر جھوٹا حلف نامہ دینے کا الزام لگاتے ہوئے ان کی نامزدگی کو منسوخ کرنے کا مطالبہ کیا۔چیف الیکشن کمشنر کو لکھے گئے شکایتی خط میں، ریاستی کانگریس کے نائب صدر (تنظیم اور انتظامیہ) متھرا دت جوشی نے کہا کہ ریاست کے 1-ٹہری پارلیمانی حلقے سے بی جے پی کی امیدوار مالا راجلکشمی نے اپنی نامزدگی میں جو حلف نامہ دیا ہے ، وہ پہلی نظر میں سچ معلوم نہیں ہوتا۔ انہوں نے کہا کہ امیدوار نے اپنے کاغذات نامزدگی کے ساتھ جو حلف نامہ دیا اس میں 1700 گرام سونے اور 140.336 کلو چاندی کی، جو قیمت 2019 کے لوک سبھا انتخابات میں دیے گئے حلف نامے میں ظاہر کی گئی تھی، اسی مقدار کے سونے کی قیمت 2024 میں بھی وہی دکھائی گئی ہے ۔ نیز 2019 اور 2024 کے درمیان سونے کے زیورات کی قیمتوں میں کئی گنا اضافہ ہوا ہے ۔ انہوں نے کہا کہ اس طرح بی جے پی امیدوار کی طرف سے الیکشن کمیشن کو گمراہ کرنے کی کوشش کی گئی ہے ۔اسے بنیاد بناتے ہوئے کانگریس لیڈر جوشی نے الیکشن کمیشن سے مطالبہ کیا ہے کہ جھوٹا حلف نامہ جمع کرانے پر بی جے پی کے 1-ٹہری پارلیمانی حلقہ کی امیدوار مالا راجلکشمی کی نامزدگی کو منسوخ کیا جائے ۔
