ہیملٹن، (یو این آئی) ٹیمی بیومونٹ کی 81 رن کی شاندار اننگز اور پھر نیٹ سائیور برنٹ کی جارح گیند بازی کے بدولت انگلینڈ کی خاتون ٹیم نے جمعرات کو آئی سی سی ویمنز چیمپئن شپ کے دوسرے ون ڈے میں نیوزی لینڈ کو 56 رن سے شکست دے دی۔
نیوزی لینڈ کی خاتون ٹیم 253 رن کے ہدف کے تعاقب میں 66 رن کے اسکور پر اپنا پہلا چار وکٹ گنوا بیٹھی۔ جارجیا پلیمر سات رن ، سوزی بیٹس 28 رن، امیلیا کیر 14 رنز اور میڈی گرین سات رن بنانے کے بعد آؤٹ ہوئیں۔ ایک وقت ایسا لگ رہا تھا کہ نیوزی لینڈ کی ٹیم جلد ہی سمٹ جائے گی۔ بحران کے ایسے وقت میں بروک ہالیڈے اور ازابیلا گاجے نے اننگز کو سنبھالا۔ دونوں کے درمیان پانچویں وکٹ کے لیے 100 رنز کی شراکت ہوئی۔ ازابیلا گاجے 47 رن بنا کر آؤٹ ہوئیں۔ جبکہ ٹیم کی جانب سے بروک ہالیڈے نے سب سے زیادہ 57 رن کی اننگز کھیلی۔ ہناّ روئے 16 رن بنانے کے بعد آؤٹ ہوئیں۔ اس کے بعد نیوزی لینڈ کی کوئی بھی بلے باز پچ پر ٹھہر نہیں ہو سکی اور پوری ٹیم 45 اوور میں محض 196 رن بنا سکی اور اسے 56 رن سے شکست کا منہ دیکھنا پڑا۔
انگلینڈ کی جانب سے نیٹ سائیور برنٹ نے تین وکٹ حاصل کئے۔ کیٹ کراس، لارین بیل، سوفی ایکلسٹون اور چارلی ڈین نے ایک ایک بلے باز کو آؤٹ کیا۔
اس سے قبل انگلینڈ کی ٹیم نے ٹاس جیت کر پہلے بیٹنگ کا فیصلہ کیا۔ انگلینڈ کی اوپننگ جوڑی ٹیمی بیومونٹ اور مایا باؤچر نے پہلے وکٹ کے لیے 37 رن بنائے۔ باؤچر 20 رن بنانے کے بعد آؤٹ ہوئیں۔ اس کے بعد کپتان ہیتھر نائٹ نے اننگز کو سنبھالا اور بیومونٹ کے ساتھ 70 رن کی شراکت قائم کی۔ نائٹ نے 37 رن کی اننگز کھیلی۔ اس کے بعد ایلس کیپسی چھ رن بنانے کے بعد آؤٹ ہوئیں، نیٹ سائیور برنٹ اور ڈینی وائٹ دو دو رن بنانے کے بعد آؤٹ ہوئیں۔ ایمی جونز 40 گیندوں پر 48 رن، سوفی ایکلسٹن 14 رن اور کیٹ کراس 20 رن بنانے کے بعد آؤٹ ہوئیں۔ نیوزی لینڈ کے گیند بازوں نے انگلینڈ کی ٹیم کو 49 اوور میں 252 رن پر سمیٹ دیا۔نیوزی لینڈ کی جانب سے جیس کیر، لی تاہوہو، فران جوناس اور سوزی بیٹس نے دو دو وکٹ حاصل کئے۔ ہنّا رو اور امیلیا کیر نے ایک ایک بلے باز کو آؤٹ کیا۔
