تجاویز میں ترمیم پر غور کیلئے غزہ میں جنگ بندی مذاکرات میں وقفہ

مصر:اگرچہ مصر نے اس بات کی تصدیق کی کہ غزہ کی پٹی میں جنگ بندی تک پہنچنے کے لیے مذاکرات حماس اور اسرائیل کے وفود کے گذشتہ روز قاہرہ سے روانہ ہونے کے بعد جاری ہیں، تاہم اس نے یہ واضح نہیں کیا کہ وہ کون سی رکاوٹیں تھیں جو دونوں وفود کی روانگی کا باعث بنیں۔
دریں اثناء حماس نے اعلان کیا ہے کہ گیند اب تل ابیب کے کورٹ میں ہے۔ اب اسرائیل کے سامنے پیش کی گئی نئی تجاویز اور ترامیم کے حوالے سے اسرائیلی جواب کا انتظار ہے۔ اس نئی تجویز پر مصری دارالحکومت میں گذشتہ دنوں سے بحث کی جا رہی تھی۔
ایسا لگتا ہے کہ حماس کی طرف سے پیش کی گئی ترمیم کا تعلق ابتدائی مرحلے میں جنگ بندی کی مدت سے ہے۔سی این این” کے مطابق بات چیت سے واقف تین ذرائع نے انکشاف کیا ہے کہ حماس کی طرف سے گذشتہ منگل کو پیش کی گئی ترامیم میں شامل ہے کہ اسرائیل نے چھ ہفتوں کے بجائے 12 ہفتوں کے لیے لڑائی کے ابتدائی خاتمے پر پیشگی رضامندی ظاہر کی ہے۔اس سے قاہرہ میں گذشتہ منگل کو حماس، اسرائیل، مصر اور قطر کے علاوہ امریکہ کے وفود کی شرکت کے ساتھ شروع ہونے والے مذاکرات میں رکاوٹ پیدا ہوئی۔دوامریکی عہدیداروں نے وضاحت کی کہ اس وقت بات چیت میں عارضی توقف” ہے۔مصری وزیر خارجہ سامح شکری نے اپنے امریکی ہم منصب انٹونی بلنکن کے ساتھ ایک فون پر بات کرتے ہوئے مذاکراتی فریقوں پر لچک دکھانے اور جنگ بندی تک پہنچنے کے لیے ضروری کوششیں جاری رکھنے کی اہمیت پر زور دیا تاکہ غزہ میں انسانی المیے کا خاتمہ اور جنگ سے متاثرہ لوگوں تک پائیدار امداد کی رسائی کو یقینی بنایا جا سکے۔
یہ بات اس وقت سامنے آئی جب ایک سینیراسرائیلی اہلکارنے اعلان کیا کہ اسرائیل نے قیدیوں کی رہائی کے معاہدے کے لیے حماس کی تجویز پر اپنے تحفظات ثالثوں کے سامنے پیش کیے ہیں۔
اگرچہ گزشتہ منگل سے قاہرہ میں ہونے والے مذاکرات میں معاہدے تک پہنچنے میں رکاوٹ بننے والی تجاویز کے بارے میں مزید تفصیلات فراہم نہیں کی گئیں تاہم بتایا گیا کہ حماس نے مستقل جنگ بندی پر کاربند رہے، جب کہ اسرائیلی وفد نے درخواست کی کہ اس اصطلاح کو پائیدارجنگ بندی سے تبدیل کیا جائے۔
دریں اثناحماس نے جمعہ کو علی الصبح کہا کہ قاہرہ میں غزہ جنگ بندی مذاکرات میں شریک اس کا وفد شہر سے قطر کے لیے روانہ ہو گیا۔ نیز گروپ نے کہا، اب فیصلے کا انحصار مکمل طور پر اسرائیل کے جواب پر ہے۔گروپ نے دیگر فلسطینی دھڑوں کو ایک پیغام میں کہا، "مذاکرات کرنے والا وفد قاہرہ سے دوحہ روانہ ہو گیا۔ عملاً قابض (اسرائیلی) حکومت نے ثالثین کی پیش کردہ تجویز مسترد کر دی اور اس پر کئی مرکزی مسائل کے حوالے سے اعتراضات اٹھائے۔” نیز گروپ نے کہا کہ وہ اس تجویز پر قائم ہے۔نتیجتاً فیصلہ اب مکمل طور پر قابض حکومت کے ہاتھ میں ہے۔”