سید پرویز قیصر
موہالی میں پنجاب کنگس کے خلاف ہوئے میچ میں وراٹ کاہلی نے شاندار بلے بازی کا مظاہرہ کرتے ہوئے82 منٹ میں47 بالوں پر سات چوکوں اور چھ چھکوں کی مدد سے92 رن بنائے۔ اپنی اس اننگ کے دوران رائل چیلنجرس بنگلور کے اس بلے باز نے پنجاب کنگس کے خلاف انڈین پریمیر لیگ میں اپنے ایک ہزار رن بھی مکمل کرلئے۔
پنجاب کنگس کے خلاف ایک ہزار رن بنانے والے وراٹ کوہلی محض دوسرے بلے باز ہیں۔ ان سے پہلے ایسا صرف آسڑیلیا سے تعلق رکھنے والے ڈیوڈ وارنر نے کیا تھا۔ انہوں نے دہلی کیپٹلس اور سن رائزرس حیدرآباد کی جانب سے کھیلتے ہوئے کیا تھا۔
اس میچ کے اختتام تک وراٹ کوہلی نے پنجاب کنگس کے خلاف2008 سے اب تک جو32 میچ کھیلے ہیں انکی 32 اننگوں میں35.51 کی اوسط اور133.76 کے اسٹرائیک ریٹ کے ساتھ ایک سنچری اور پانچ نصف سنچریوں کی مدد سے1030 رن بنائے ہیں۔ وہ ایک مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور50 بالوں پر بارہ چوکوں اور آٹھ چھکوں کی مدد سے113 رن ہے جو انہوں نے بنگلور میں18 مئی2016 کو بنایا تھا۔ اس میچ میں انکی ٹیم کو ڈکورٹھ اینڈ لوئیس قاعدے کے تحت 82 رن سے جیت ملی تھی۔
ڈیوڈ وارنر نے 2010 سے اب تک پنجاب کنگس کے خلاف جو26 میچ کھیلے ہیں انکی26 اننگوں میں49.30 کی اوسط اور144.27 کے اسٹرائیک ریٹ کے ساتھ13 نصف سنچریوں کی مدد سے1134 رن بائے ہیں۔ وہ دو مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور81 رن ہے جو انہوں نے سن رائزرس حیدرآباد کی جانب سے کھیلتے ہوئے حیدرآباد میں 11 مئی 2015 کو80 منٹ میں52 بالوں پر چھ چھکوں اور پانچ چوکوں کی مدد سے بنایا تھا۔ اس میچ میں امکی ٹیم پانچ رن سے جیت حاصل کرنے میں کامیاب رہی تھی۔
وراٹ کوہلی پنجاب کنگس سے پہلے دہلی کیُٹلس اور چنئی سپر کنگس کے خلاف ایک ہزار رن مکمل کرچکے ہیں۔ وہ انڈین پریمیر لیگ میں تین ٹیموں کے خلاف ایک ہزار سے زیادہ رن بنانے والے پہلے بلے باز ہیں۔ انہوں نے دہلی کیپٹلس کے خلاف 2008 سے اب تک جو28 میچ کھیلے ہیں انکی27 اننگوں میں 51.50 کی اوسط اور133.76 کے اسٹرائیک ریٹ کے ساتھ دس نصف سنچریوں کی مدد سے1030 رن بنائے ہیں۔ وہ ایک بھی مرتبہ دہلی کیپٹلس کے خلاف صفر پر آوٹ نہیں ہوئے ہیں اور ان کا سب سے زیادہ اسکور99 رن ہے جو انہوں نے دہلی میں10 مئی2013 کو80 منٹ میں58 بالوں پر دس چوکون اور چار چھکوں کی مدد سے بنایا تھا اور اپنی ٹیم کی چار رن کی جیت میں ایک اہم کرردار ادا کیا تھا۔
چنئی سپر کنگس کے خلاف وراٹ کوہلی کو2008 سے اب تک جن32 میچوں میں کھیلنے کا موقع ملا ہے ان کی31 اننگوں میں وہ37.25 کی اوسط اور124.96کے اسٹرائیک ریٹ کے ساتھ نو نصف سنچریوں کی مدد سے1006 رن بنانے میں کامیاب رہے ہیں۔چنئی سپر کنگس کا کوئی بھی بالر انہیں صفر پر آوٹ کرنے میں کامیاب نہیں ہوا ہے اور ان کا سب سے زیادہ اسکور آوٹ ہوئے بغیر90 رن ہے جو انہوں نے دوبئی میں 10 اکتوبر2020 کو ہوئے میچ میں52 بالوں پر چار چوکوں اور چار چھکوں کی مدد سے بنایا تھا۔
فیصل فیچرس
