سید پرویز قیصر
رائل چیلنجرس بنگلور کے مہی پال لومرر نے انڈین پریمیر لیگ 2024 میں گیارہ سو اں چھکا لگانے کا اعزاز حاصل کیا۔دہلی کیپٹلس کے خلاف بنگلور کے ایم چنا سوامی اسٹیڈیم میں اتوار ( 12 مئی ) کو ہوئے میچ میں بائیں ہاتھ کے اسپنر کلدیپ یادو کی بال پر مارا گیا انکا واحد چھکا انڈین پریمیر لیگ کے 17 ویں ایڈیشن میں 62 ویں میچ کی123 ویں اننگ میںگیارہ سواں تھا۔
انڈین پریمیر لیگ میں یہ دوسراموقع ہے جب گیارہ سو سے زیادہ چھکے ایک ایڈیشن میں لگے۔ گذشتہ سال73 ویں میچ کی146 ویں اننگ میںگیارہ سو اں چھکا لگا تھا ۔ کل112 کھلاڑیوں نے ایڈیشن میں چھکے لگانے کا اعزاز حاصل کیا۔
موجودہ سیزن میں ابھی تک جو1105 چھکے مارے گئے ہیں وہ 115بلے بازوں نے مارے ہیں۔سب سے زیادہ چھکے سن رائزرس حیدرآباد کے ابھشیک شرما نے لگائے ہیں۔ انہوں نے12 میچوں کی 12 اننگوں میں35 چھکے جڑے ہیں۔رائل چیلنجرس بنگلور کے وراٹ کوہلی13 میچوں کی 13 اننگوں میں33 چھکوں کے ساتھ دوسرے مقام پر ہیں۔کولکاتہ نائیٹ رائیڈرس کے سنیل نارائین نے بارہ میچوں کی بارہ اننگوں میں 32 مرتبہ بال کو باونڈی لائین سے باہر کی سیر کراکے تیسرے مقام پر ہیں۔ سن رائزرس حیدرآباد کے ہنرچ کلا سن، راجستھان رائلز کے ریان پراگ اور ٹراویس ہیڈ 31۔31 چھکوں کے ساتھ مشترکہ طور پرچوتھے نمبر ہیں۔
سب سے زیادہ چھکے سن رائزرس حیدرآباد کے بلے بازوں نے مارے ہیں۔ اسکے بارہ بلے بازوں نے بارہ میچوں میں 146چھکے مارے ہیں۔رائل چیلنجرس کے تیرہ بلے بازوں نے 1 14چھکے جڑے ہیں۔دہلی کیپٹلس کے بارہ بلے بازوں نے تیرہ میچوں میں125 چھکے جڑے ہیں جبکہ کولکاتہ نائیٹ رائیدرس کے دس بلے بازوں نے اتنے ہی چھکے مارے ۔ممبئی انڈینس کے چودہ بلے بازوں نے122 چھکے مارے ہیں ۔ پنجاب کنگس کے چودہ بلے بازوں نے 102چھکے جڑے ہیں۔راجستھان رائلز کے نو بلے بازوں نے ان سے دو کم یعنی 100چھکے مارے ہیں۔لکھنو سپر جائنٹس کے نو بلے بازوں نے79چھکے مارے ہیں۔ سب سے کم چھکے گجرات ٹائٹنس کے کھلاڑیوں نے لگائے ہیں اس نے جوبارہ میچ کھیلے میں اس میں بارہ بلے باز79چھکے لگانے میں کامیاب رہے ہیں۔
کلکاتہ کے ایڈن گارڈن میں 26 اپریل 2024کولکاتہ نائیٹ رائیڈرس اور پنجاب کنگس کے درمیان ہوئے انڈین پریمیر لیگ کے42 ویں میچ میں42 چھکوں کے ساتھ ٹونٹی ٹونٹی کرکٹ میں ایک میچ میں سب سے زیادہ چھکوں کا عالمی ریکارٖڈ قائم ہوا۔اس میچ میں کولکاتہ بائیٹ رائیڈرس کے چھ کھلاڑیوں نے اٹھارہ چوکے مارے جبکہ پنجاب کنگس کے چار کھلاڑیوں نے24 چھکے جڑے۔
حیدر آباد میں ممبئی انٖڈینس اور سن رائزرس حیدرآباد کے درمیان 27 مارچ 2024 کو 38 چھکے مارے گئے جو اس مرتبہ ایک میچ میں دوسرے سب سے زیادہ چھکوں کے ساتھ ساتھ کسی ٹونٹی ٹونٹی میچ میں دوسرے سب سے زیادہ چھکے ہیں۔ سن رائزرس حیدرآباد کے چار بلے بازوںنے 18 چھکے مارے جبکہ ممبئی انڈینس کے سات بلے باز 20 مرتبہ بال کو باونڈری لائین سے باہر پہچانے میں کامیاب رہے تھے۔ بنگلور میں سن رائزرس حیدرآباد اور رائل چیلنجرس بنگلور کے درمیان15 اپریل2024 کو ہوئے میچ میں بھی38 ہی چھکے مارے گئے تھے۔ سن رائزرس حیدر آباد کے 22 چھکے انڈین پریمیر لیگ میں ایک اننگ میں سب سے زیادہ تھے۔رائل چیلنجرس بنگلور کی جانب سے سولہ مرتبہ بال کو باونڈری لائین سے باہر پہنجایا گیا۔ دہلی میں دہلی کیپٹلس اور سن رائزرس حیدرآباد کے درمیان دہلی میں20 اپریل2024 کو ہوئے میچ میں31 چھکے مارے گئے تھے جو اس مرتبہ ایک میچ میں چوتھے سب سے زیادہ چھکے تھے۔کولکاتہ میں کولکاتہ نائیٹ رائیڈرس اور سن رائزرس حیدرآباد کے درمیان 23 مارچ 2024 کو ہوئے میچ میں28 چھکے مارے گئے جو ا س مرتبہ ایک میچ میںپانچویں سب سے زیادہ چھکے ہیں۔
رائل چیلنجرس بنگلور کے ویل جیکس نے گجرات ٹائٹنس کے خلاف احمدآباد میں28 اپریل2024 کو اپنی100 رن کی اننگ میں دس چھکے مارے تھے جو اب تک ایک اننگ میں سب سے زیادہ چھکے ہیں۔پنجاب کنگس کے جونی بیرسٹو نے کولکاتہ نائیٹ رائیڈرس کے خلاف کولکاتہ میں اپنی108 رن کی اننگ میں نو چھکے مارے تھے جو ایک اننگ میں دوسرے سب سے زیادہ چھکے ہیں۔اسی میدان پر کولکاتہ نائیٹ رائیڈرس کے خلاف سن رائزرس حیدرآباد کے ہنرچ کلا سن نے اپنی63 رن کی اننگ میں آٹھ چھکے مارے تھے ۔ انہی کی ٹیم کے ٹراویس ہیڈ نے رائل چیلنجرس بنگلور کے خلا ٖف اپنی102 رن کی اننگ میں آٹھ ہی چھکے جڑے تھے۔ دہلی کتپٹلس کے ریشبھ پنت نے گجرات ٹائٹنس کے خلاف اپنی88 رن کی اننگ میں آٹھ مرتبہ بال کو باونڈری لائین سے باہر کی سیر کرائی تھی۔ پنجاب کنگس کے شا شنگ سنگھ نے کولکاتہ نائیٹ رائیڈرس کے خلاف اپنی 68 رن کی اننگ میں آٹھ ہی چھکے لگائے تھے۔ سن رائزرس حیدرآباد کے نیتش کمار ریڈی نے راجستھان رائلز کے خلاف حیدرآباد میں2 مئی2024 کو اپنی76رن کی اننگ میں آٹھ مرتبہ بال کو باونڈری لائین سے باہر کی سیر کرائی تھی۔ ٹراویس ہیڈ نے لکھنو سپر جائنٹس کے خلاف حیدرآباد میں8 مئی2024 کو اپنی89ر ن کی اننگ میں آٹھ چھکے مارے تھے۔ وہ دو مرتبہ ایک اننگ میں آٹھ چھکے لگا نے والے واحد بلے باز ہیں۔
