سید پرویز قیصر
دہلی میں دہلی کیپٹلس کے خلاف کھیلے گئے انڈین پریمیر لیگ میچ میں لکھنو سپر جائنٹس کے نکولس پورن نے دھواں دھار بلے بازی کا مظاہرہ کرتے ہوئے36 منٹ میں27 بالوں پرچھ چوکوں اور چار چھکوں کی مدد سے61 رن بنائے۔انہوں نے اپنی نصف سنچری بیس بالوں پر پانچ چوکوں اورچار چھکوں کی مدد سے مکمل کی جو لکھنو سپر جائنٹس کی جانب سے دوسری سب سے تیز سنچری تھی۔ اس تیز اننگ سے لکھنو پر جائنٹس کو جیت تونہیں ملی مگر وہ اس سال سب سے زیادہ چھکے لگانے والے بلے باز ضرور بن گئے۔ اس اننگ میں بائیں ہاتھ کے اسپین بالر کلدیادو کی بال پر مارا گیا چوتھا اور آخری چھکا اس سال انکا 69 واں چھکا تھا۔
ویسٹ انڈیز سے تعلق رکھنے والے اس کھلاڑی نے اس سال ابھی تک ڈربن سپر جائنٹس، ممبئی انڈینس ایمریٹس، لکھنو سپر جائنٹس، رنگا پور رائیڈرس اور ویسٹ انڈیز کے لئے جو31 میچ کھیلے ہیں انکی31 اننگوں میں43.71 کی اوسط اور162.76 کے اسٹرائیک ریٹ کے ساتھ پانچ نصف سنچریوں کی مدد سے918 رن بنائے ہیں جس میں57 چوکے اور69 چھکے شامل ہیں۔69 چھکوں میں سے28 چھکے انہوں نے انڈین پریمیر لیگ میں مارے ہیں۔ اس سال انہوں نے انڈین پریمیر لیگ میں جو13 میچ کھیلے ہیں انکی13 اننگوں میں60.57 کی اوسط اور168.92 کے اسٹرائیک ریٹ کے ساتھ ، دو نصف سنچریوں کی مدد سے424 رن بنائے ہیں ۔ وہ28 چھکوں کے علاوہ30 چوکے لگانے میں بھی کامیاب رہے ہیں۔
جنوبی افریقہ سے تعلق رکھنے والے ہنرچ کلاسن نے بھی اس سال انکے برابر ہی چھکے مارے ہیں۔ دائیں ہاتھ کے اس کھلاڑی نے ڈربن سپر جائنٹس، سن رائزرس حیدرآباد اورٹائٹنس کی جانب سے اس سال جو26 میچ کھیلے ہیں انکی25 اننگوں میں39.75 کی اوسط اور196.78 کے اسٹرائیک ریٹ کے ساتھ سات نصف سنچریوں کی مدد سے 795 رن بنائے ہیںجس میں69 چھکے اور37 چوکے شامل ہیں۔نکولس پورن کی طرح انہوں نے سب سے زیادہ چھکے انڈین پریمیر لیگ میں ہی مارے ہیں۔ اس سال انہوں نے ابھی تک جو12 میچ کھیلے ہیں انکی 11 اننگوں میں42.37 کی اوسط اور186.26 کے اسٹرائیک ریٹ کے ساتھ تین نصف سنچریون کی مدد سے339 رن بنائے ہیں جس میں31 چھکے اور بارہ چوکے شامل ہیں۔
اس سال سب سے زیادہ چھکے لگانے میں تیسرا مقام جنوبی افریقہ سے تعلق رکھنے والے ریان ریکلٹن کے پاس ہے۔ بائیں ہاتھ کے اس بلے باز نے لوائنس اورممبئی کیپ ٹاون کے لئے جو24 میچ کھیلے ہیں انکی23 اننگوں میں48.55 کی اوسط اور158.91 کے اسٹرائیک ریٹ کے ساتھ نو نصف سنچریوں کی مدد سے971 رن بنائے ہیں جس میں73 چوکے اور55 چھکے شامل ہیں۔ وہ انڈین پریمیر لیگ میں شرکت نہیں کررہے ہیں۔
کولکاتہ نائیٹ رائیڈرس کی نما ئندگی کرنے والے آندرے رسل ان چار کھلاڑیوں میں سے ایک ہیں جنہوں نے اس سال پچاس سے زیادہ چھکے لگائے ہیں۔ دائیں ہاتھ کے اس ویسٹ انڈیز کھلاڑی نے ابوظبہی نائیٹ رائیڈرس، ویسٹ انڈیز اور سی وی کی جانب سے جو28 میچ اس سال کھیلے ہیں انکی23 اننگوں میں45.14 کی اوسط اور207.89 کے اسٹرائیک ریٹ کے ساتھ دو نصف سنچریوں کی مدد سے 632 رن بنائے ہیں جس میں43 چوکے اور54 چھکے شامل ہیں۔ اس میں سے16 چھکے انہوں نے انڈین پریمیر لیگ کے12 میچوں کی نو اننگوں میں مارے ہیں۔ فیصل فیچرس
