بلند شہر، 21؍ مئی،سماج نیوز سروس:خورجہ کوتوالی علاقہ میں سمس پور روڈ پرپٹرول پمپ آپریٹر سے ہوئی لوٹ کے معاملے میں فرار چل رہے بد معاشوں سے منگل کی صبح سویر ے مڈبھیڑ ہوگئی ۔جس میں با ئک سوار تین بد معاش گولی لگنے سے زخمی ہوگئے ۔ جنھیں پولیس نے ہسپتال پہنچایا۔ پولیس نے بدمعاشوں سے لوٹی ہوئی اسکوٹی، سونے کی چین، نقدی اور دیگر سامان برآمد کرلیا ہے۔سی او خورجہ ورون کمار نے بتایا کہ 16 مئی کو بدمعاشوں نے محلہ لکشمن گنج کے رہنے والے پٹرول پمپ آپریٹر ستیش شرما کے ساتھ لوٹ کی واردات کوانجام دیا تھا ۔ بدمعاشوں نے اس سے 89 ہزار روپے، سونے کی چین اور اسکوٹی لوٹ لی تھی۔ تبھی سے پولیس بدمعاشوں کی تلاش میں مصروف تھی، اطلاع ملنے پر سواٹ ٹیم اورخورجہ کوتوالی پولیس نے گاؤں شاہ پور کٹ کے قریب چیکنگ کے دوران با ئک سوار تین افراد کو آتاہوا دیکھ کر انھیں رکنے کا اشارہ کیا ۔با ئک سوار پو لیس کودیکھ کرواپس رام گڑھی کی طر ف بھا گنے لگے ۔ پو لیس کے ذریعہ پیچھا کرنے پر بد معاشوں نے خود کوگھرا دیکھ کر فا ئر نگ شروع کردی ۔پو لیس کی طر ف سے کی گئی جوابی فا ئرنگ میں گولی لگنے سے تینوں بد معاش زخمی ہوگئے ۔جنھیں ضلع ہسپتال میں داخل کرا یا گیاہے ۔پوچھ گچھ کے دوران بدمعاشوں نے اپنے نام وکاس عرف کالیا ولد راکیش، ناگیش عرف ناگی ولد وکرم سنگھ اور روہت ولد شیام سنگھ ساکن سمس پور بتائے ہیں۔ انہوںنے پٹرول پمپ آپریٹر کے ساتھ لوٹ کی واردات کا اعتراف کیاہے۔ پولیس نے بدمعاشوں سے تین طمنچے، لوٹی ہوئی اسکوٹی، 72 ہزار روپے، سونے کی چین اور ایک چوری کی ہوئی اسکوٹی بر آمد کی ہے۔کوتوالی انچارج اجے کمار نے بتایا کہ گرفتار بدمعاشوں کے خلاف مقدمہ درج کرکے قانونی کارروائی کر کے انہیں عدالتی تحویل میں جیل بھیجا جارہاہے ۔
