نئی دہلی،پریس ریلیز،ہمارا سماج:قصابپورہ میںواقع بڑی مسجدمیں جمعیۃ علما ضلع چاندنی چوک صدر بازار دھلی کی ایک میٹنگ زیر سرپرستی مولانا محمد مسلم قاسمی صدر جمعیۃ علما دہلی اور مفتی مولانامحمدانتظار حسین مظاہری (صدر، جمعیۃ علماضلع چاندنی چوک) کی صدارت میں منعقد ہوئی ، جبکہ نظامت کے فرائض مفتی شمیم احمد قاسمی (ناظم، جمعیۃ علما چاندنی چوک) نے انجام دئے۔ میٹنگ کا آغاز قاری محمدساجدفیضی( سیکرٹری، جمعیۃ علما دہلی) کی تلاوت کلام پاک سے ہوا،بعدہ نعتیہ کلام مولانا غیور الحسن نائب ناظم جمعیۃ علما چاندنی چوک نے پیش کیا۔ اس موقع پر مفتی انتظار حسین نے ضلع میں نئے ٹرم کیلئے زیادہ سے زیادہ ممبر سازی کی ترغیب دیتے ہوئے نظام کو مزید فعال بنانے پرزوردیا۔انہوںنے مزید کہا کہ کسی بھی تنظیم کے استحکام کا انحصار اسکے افراد کی فعالیت پر ہے، لہٰذا جمعیۃ کے اراکین اور ذمہ داران جمعیۃ ضلع چاندنی چوک اس پروگرام میں ضرور حصہ لیں۔ وہیںمولانامحمدمسلم احمد قاسمی نے ممبر سازی کی مہم میں شرکت کی یقین دہانی پر زور دیتے ہوئے تمام اراکین منتظمہ جمعیۃ علما چاندنی چوک سے اپیل کی اورتمام حلقوں کے صدورونظماکی کارکردگی کی ستائش کرتے ہوئے مزید مستعدی سے کام کرنے کی درخواست کی ،نیز راجدھانی میں 25 مئی 2024 کو ہونے والے لوک سبھا کے انتخاب میںہرایمان والاووٹ ڈالے اور اپنے حق کا استعمال کرے،لہذااس پر محنت کرنے کی تمام شرکاکوتلقین کی ۔مجلس کی نظامت کرتے ہوئے مفتی شمیم احمد قاسمی نے شرکا کا شکریہ اداکرتے ہوئے کہا کہ اپنے اکابرین سے سیکھنے کا موقع ملنا ہم سب کیلئے بڑی سعادتمندی کی بات ہے۔اس دوران سبھی علمائے دین نے ایرانی صدر کی شہادت پرگہرے رنج و غم کااظہار کیا اور تعزیت پیش کی ۔ آخرمیںمولانامحمد فرقان قاسمی (خازن، جمعیۃ علمادہلی )کی دعاپر میٹنگ کا اختتام ہوا۔اہم شرکامیںمولاناغیورالحسن، مفتی محمدسلمان، قاری محمد اشرف ،مولانا محمد شہزاد،قاری محمدساجد ،قاری محمد افضال احمدمظاہری،قاری محمدسلیم،مولانا اسد اللہ ،مولانا ثامر،حافظ محمد غفران نقشبندی،قاری محمد عالم، محمد مشرفین قریشی(منابھائی)،حاجی محمدعرفان اور ذمہ داران بڑی مسجد محمد واصف قریشی ،حاجی منا جی وغیرہ کے نام قابل ذکر ہیں۔
