نئی دہلی،پریس ریلیز،ہمارا سماج:جماعت سلمانی آف انڈیا نے لوک سبھا انتخابات کے سلسلے میں جماعت سلمانی کے قومی دفتر کبیر نگر میں جماعت سلمانی کے قومی صدر عقیل سمیع سلمانی کی صدارت میں ایک خصوصی اجلاس کا انعقاد کیا۔ میٹنگ میں سلمانی برادری نے دہلی کی ساتوں سیٹوں پر لوک سبھا الیکشن لڑنے والے انڈیا الائنس کے امیدواروں کی حمایت کا اعلان کیا۔ اس موقع پر عقیل سمیع سلمانی نے کہا کہ اس بار کا الیکشن بہت اہم ہے اور اس الیکشن میں ہمیں فیصلہ کرنا ہے کہ ملک اور ملکی آئین کو کیسے بچانا ہے، اس لیے ملک کے حالات کو دیکھتے ہوئے سلمانی سماج نے فیصلہ کیا ہے کہ ہندوستان کے عوام اپنے ووٹوں کے ذریعے انڈیا اتحاد کی بھرپور حمایت کی جائے۔ اس میٹنگ میں بابر پور ضلع کانگریس کمیٹی کے صدر چودھری زبیر نے بھی اپنے خیالات کا اظہارکر تے ہوئے کہا کہ سلمانی سماج ہر طبقہ سے جوڑا ہوا ہے اورانتخاب میں ہر ووٹرکانگریس پارٹی کا پیغام پہنچانے میں کافی مدد گار ثابت ہو سکتا ہے انھوں نے مذید کہا کہ کانگریس پارٹی نے پورے ملک میں چو طرفہ ترقی کی اس لئے میں اپیل کرتا ہوں کہ انڈیا اتحاد کے امیدوار کو ووٹ کیاجائے۔ آبزرور غلام حسین خالق نے کہا کہ ملک کے حالات کو دیکھتے ہوئے انڈیا اتحاد کے امیدواروں کو کامیاب بنایا جائے ۔ میٹنگ میں شاہنواز شیخ، حاجی رئیس بجنوری، حسن سر پنچ ، مولانا حامد، ا دریس سلمانی، ناظم سلمانی، مولاناحامد، نعیم انصاری، عثمان سلمانی، اے آر آزاد،ناظم سلمانی،ناصر سلمانی،اکرم سلمانی،عارف سلمانی،فاروق سلمانی،مرتضیٰ ہلدوری،فرقان سلمانی،ریاض الدین،ماسٹر انجم،اکبر سلمانی و دیگر سلمانی سماج کے معززین کثیر تعدات موجود تھے ۔
