نئی دہلی: قومی راجدھانی کے چاندنی چوک کے بھاگیرتھ پیلس الیکٹرانک مارکیٹ میں جمعرات کی رات زبردست آگ لگ گئی ۔ آگ پر قابو پانے کیلئے فائر بریگیڈ کی 40گاڑیوں نے کڑی مشقت کے بعد آگ پر قابو پایا گیا۔ تاہم انہوں نے مزید کہا کہ ابھی تک اس حادثے میں کسی جانی نقصان کی کوئی اطلاع نہیں ہے۔فائر ڈیپارٹمنٹ کو تقریباً 9.30 بجے آگ لگنے کی اطلاع دی گئی۔ آگ اتنی شدید تھی کہ کچھ ہی دیر میں تقریباً 20 دکانوں تک پھیل گئی۔ اس واقعے کے بعد چاروں طرف افراتفری پھیل گئی اور دھویں کا غبار نظر آنے لگا۔انہوں نے کہا ’صورتحال بہت خراب ہے۔ تاہم آگ لگنے والی زیادہ تر عمارت مکمل طور پر تباہ ہو چکی ہے۔ سابق وزیر صحت ڈاکٹر ہرش وردھن آج علی الصبح موقع پر پہنچ گئے۔ انہوں نے کہا کہ آگ کی وجہ سے عمارت آہستہ آہستہ گر رہی ہے۔ عمارت کی دو منزلیں مکمل طور پر تباہ ہوگئیں۔تاہم انہوں نے کہا کہ آگ لگنے کی وجہ معلوم نہیں ہو سکی۔ بھاگیرتھ پیلس دارالحکومت کی سب سے بڑی الیکٹرانک مارکیٹ ہے۔
