سید پرویز قیصر
۔پہلا ٹونٹی ٹونٹی عالمی کپ جنوبی افریقہ میں2007 میں کھیلا گیاتھا۔ ہندوستان نے پاکستان کو شکست دیکر پہلا ٹونٹی ٹونٹی عالمی کپ جیتا تھا۔ نگلینڈ میں 2009 ہوئے دوسرے ٹونٹی ٹونٹی عالمی کپ میں پاکستان نے سری لنکا کو ہراکر چیمپئین ہونے کا اعزاز حاصل کیا تھا۔
ویسٹ انڈیز میں 2010 میں 30 ااپریل سے 16 جون تک تیسرا ٹونٹی ٹونٹی عالمی کپ کھیلا گیا تھا جس میں بارہ ٹیموں نے شرکت کہ تھی۔ ان بارہ ٹیموں کو چارگروپوں میں نقسیم کیا گیا تھا۔ گروپ اے میںآسٹریلیا،پاکستان ور بنگلہ دیش کو رکھا گیا تھا جبکہ گروپ بی نیوزی لینٖڈ ،سری لنکا اور زمبابوے پر مشتمل تھا جبکہ گروپ سی میں ہندوستان، جنوبی افریقہ اور افغا نستان کو جگہ ملی تھی۔گروپ ڈی میں ویسٹ انڈیز ، انگلینڈ اورآئیر لینڈ کی ٹیمیں تھی۔
ہر گروپ سے پہلی دو پوزیشن حاصل کر نے والی ٹیمیں سپر آٹھ میں داخلہ ھاصل کرنے میں کامیاب رہیں۔ان آٹھ ٹیموں کو دو گروپوں میں تقسیم کیا گیا تھا۔ گروپ ایف میںآسڑیلیا، ویسٹ انڈیز، سری لنکا اور ہندوستان کو جگہ ملی تھی جبکہ گروپ ای میں پاکستان، انگلینڈ، نیوزی لینڈ اور جنوبی افریقہ کو رکھا گیا تھا۔ان دونوں گروپوں میں پہلی دو پوزیشن حاصل کرنے والی ٹیمیں سیمی فائنل کھیلنے کی حقدار بنیں۔
گروس آئسلیٹ میں 13 مئی2010 کو کھیلے گئے پہلے سیمی فائنل میں سری لنکا کو انگلینڈ نے سات وکٹ سے شکست دیکرپہلی مرتبہ فائنل میں داخلہ حاصل کیا۔ٹاس جیت کر پہلے بلے بازی کرتے ہوئے سری لنکا نے مقررہ20 اوور میں چھ وکٹ پر 128 رن بنائے تھے۔ ا نجیلو متھیوز68 منٹ میں،45 بالوں پرتین چوکوں اور ایک چھکے کی مدد سے 58 رن بنائے۔انگلینڈ نے 16 اوور میں تین وکٹ پر 132 رن بنائے اور میچ سات وکٹ سے جیتا تھا۔۔ کیون پیٹر سن نے33 منٹ میں 26 بالوں پر تین چوکوں اوردو چھکوں کی مدد سے آوٹ ہوئے بغیر 42 رن بنائے تھے۔ اسٹیورٹ بروڈ کو مین آٖ ف دی میچ ایوارڈ دیا گیا۔
اسی میدان پر دوسر ا سیمی فائنل 14 مئی 2010 کو کھیلا گیا تھا جس میں آسڑیلیا نے پاکستان کو تین وکٹ سے شکست دیکر پہلی مرتبہ فائنل میں داخلہ حا صل کیا۔ پاکستان نے ٹاس ہارنے کے بعد پہلے بلے بازی کرتے ہوئے مقررہ20 اوور میں چھ وکٹ پر 191 رن بنائے تھے۔ عمر اکمل نے سب سے زیادہ56 رن بنائے تھے۔ وہ 43 منٹ میں35 بالوں پردو چوکوں اورچار چھکوں کی مدد سے، آوٹ ہوئے بغیر56 رن بنانے میں کامیاب رہے تھے۔آسڑیلیا نے 19.5اوور میں سات وکٹ پر 197 رن بناکر میچ جیتا تھا۔ مائیکل ہسی نے38 منٹ میں24 بالوں پرتین چوکوں اورچھ چھکوں کی مدد سے آوٹ ہوئے بغیر 60 رن بنائے اورمین آٖ ف دی میچ منتخب ہوئے۔
بر ج ٹا ون میں 16 مئی 2010 کو ہوئے فائنل میچ میں انگلینڈ نے آسٹریلیا کوسات وکٹ سے شکست دیکر چیمپئین ہونے کا اعزاز حاصل کیا۔ ٹاس جیت کر پہلے بلے بازی کرتے ہوئے آسڑیلیانے مقررہ20 اوور میں چھ وکٹ پر 147 رن بنائے تھے۔ٖڈیوڈ ہسی نے 73 منٹ میں52 بالوں پردو چوکوں اور اتنے ہی چھکوں کی مدد سے59رن بنائے تھے۔انگلینڈنے 17 اوور میں تین وکٹ پر148 رن بناکر فائنل جیتا تھا۔انگلینڈ کی جانب سے کریک کیسویٹر نے 72 منٹ میں 49 بالوں پرسات چوکوں اوردوچھکوں کی مدد سے63 رن بنائے تھے۔ کریک کیسویٹر کو میں آف دی میچ ایوارڈ ملا جبکہ کیون پیٹر سن کو مین آٖف دی سریز منتخب ہوئے۔ فیصل فیچرس
